Galicia Informativos

Os socialistas galegos denuncian que a Xunta non executou os fondos extraordinarios recibidos durante a pandemia Fondos que deberían ter servido pra mellora-la situación da sanidade, especialmente a atención primaria, da que o BNG asegura que está en desmantelamento Mantense a situación 2 de alerta polo incendio do concello de Arbo É unha medida preventiva pola proximidade dos focos ó núcleo das Searas, pero a situación mellorou nas últimas horas. O incendio calcinou unhas 400 Hectáreas. O sindicato CUT impugnará a oferta de emprego público da Xunta pro ensino Entende que trata de evitar con ela o cumprimento da lei de estabilización de persoal interino. E denuncia que se prepara un cese masivo de traballadores temporais O prezo medio do litro de leite en Galicia alcanza os 43 céntimos. Con todo os gandeiros indican que se trata dunha medida da industria ante a escaseza de produto e que as cantidades non compensan os elevados custos de produción. Canto ó tempo, hoxe temos alerta por altas temperaturas na conca do Miño e nas rías baixas

Outra fin de semana coa ameza dos lumes na nosa xeografía que nos deixa este luns cos traballos de extinción sen descanso e con a alerta dous de emerxencia en Arbo e estabilizado na Cañiza. O lume de Arbo xa é o máis grande da provincia de Pontevedra no que levamos de verán. O presidente da Xunta, Alfonso Rueda, apunta que os incendios de Arbo e a Cañiza non comezaron por causas naturais. E hoxe hoxe coñeceremos o teito de gasto que terá Galicia o vindeiro ano 2023. Será aprobado nun consello da xunta extraordinario. É un paso previo á elaboración dos orzamentos e será debatido e aprobado o vindeiro mércores no pleno do parlamento. Todo isto nun día, primeiro de agosto que no meteoroloxico

mantén a influencia anticiclónica con sol e calor.

 

As novas da provincia de Ourense presentadas por Marta Landeira e Carlos Cerecedo

Aleta laranxa por altas temperaturas en Pontevedra e Ourense. Termómetros que non favorecen aos incendios. En Galicia preocupan hoxe dous na Provincia de Pontevedra. O de Arbo que leva queimadas 300 hectáreas dende a madrugada do venres, e outro na Cañiza que obrigou a cortar a Autovía a 52 e a nacional 120. Cortes das estradas, xusto nos días do ano con máis movementos. Contarémosllo no tempo da entrevista do Domingo, onde falaremos coa coordinadora da Dirección xeral de Tráfico en Galicia. Para que nos fagamos unha idea, Victoria Gómez Dobarro compara os números de antes da pandemia cos deste anos.

 

Abrimos o noso tempo de entrevista achegándonos á figura de Xosé Velo, 50 anos despois da súa morte. O xornalista ASER ÁLVAREZ recompilou a historia deste firme galeguista, líder da histórica Operación Dulcinea e protagonista dun documental, un libro e dunha mostra que vén de inagurarse en Celanova. Unha entrevista de ANDREA OCA.

 

Os grandes incendios de Galicia van remitindo. Esta pasada noite a Consellería de Medio Rural deu por extinguido o incendio de Vilariño de Conso que afectou a preto de 7.000 hectáreas do Parque natural do Invernadoiro. E tamén por controlado o do Concello ourensán de Castrelo de Miño que arrasou 200 hectáreas. No lado negativo novos lumes en Oímbra e, en Arbo, en Pontevedra, onde estan moi pendentes do lume e que obrigou a activar o nivel dous de emerxencia.

Todo no día no que xa se poden solicitar as axudas da xUNTA PARA OS AFECTADOS polos incendios.

 

Colea aínda a reunión do presidente da Xunta co presiodente do goberno central. Especialmente o único non claro co que veu de volta Alfonso Rueda. Él insiste en que é posible o traspaso das competencias do litoral sen reforma-lo estatuto de autonomía. O delegado do goberno sostén que é imprescindible, e que Galicia conta co apoio da oposición nesa reforma. Mentres, dende o sector, reclaman que se active esa transferencia pra darlles certezas e reduci-la inseguridade xurídica. E o BNG non entende a docilidade do presidente da Xunta tralo encontro con Pedro Sánchez - Na primeira semana de agosto quedará definido o teito de gasto da comunidade para o vindeiro ano. O luns será aprobado polo Consello da Xunta e o mércores no Parlamento, nun pleno extraordinario. - O presidente de Abanca sinala que o imposto ós bancos que vai aprobar o gobeno terá un impacto negativo para a economía. Juan Carlos Escotet, que dubida da súa constitucionalidade, considera que a medida suporá un importante freo ó crédito que é o sostén do tecido empresrial. - Os palangreiros da Guarda piden amparo á Unión Europea. Fanno despois de que activistas de Greenpeace retiraran 30 quilómetros de palangre e 286 anzós no Atlántico Norte pertencentes a un buque da Guarda e a outro de Burela. - As toxinas volven pecha-lo marisqueo na ría de Pontevedra. Sucede por segunda vez en 15 días. O sector sinala que lles está a supor importantes perdas. Só pouideron traballar 4 días no mellor mes para as vendas