Ils 15 d'avrigl pa Gion Giusep Derungs festivar ses 89avel anniversari.

Cun numerusas cumposiziuns e sco dirigent ha Gion Giusep Derungs marcà ferm il chant da chors en ed ordaifer il Grischun. Lautra vart da sia lavur cumpositorica nè betg uschè enconuschenta: la musica instrumentala, cammeristica, sinfonica.

Lentschatta december 2020 ed en il schaner, favrer e mars 2021 ha RTR registrà ni schà registrà pliras ovras instrumentalas da Gion Giusep Derungs. LArtg musical porta quellas novas registraziuns ed in discurs cun leditur da quellas partituras, Simon Camartin. Nus udin: intginas istorgias ord il ciclus IL STROLI en la versiun per clavazin solo (cumponì 2004) interpretà dal giuven pianist ucrain-svizzer Andriy Dragan ed en la versiun da chombra (Stella Ingrosso, flauta; Josias Just, clarinetta; Elisabeth Göring, fagot; Cornelia Brandis, violina e Luzius Gartmann, cello), lura ATUN per orchester dinstruments a corda (cumponì 2016) interpretà dal Chernivtsi Philharmonic Orchestra ed il TRIO per clavazin, violina e cello (2002) sunà da trais musicistAs da Lemberg/Ucraina: Mariya Tkachyk, violina; Oksana Lytvyenko, cello e Danylo Saienko, piano.

redacziun: Giusep G. Decurtins