Avant 15 onns è Giusep Huonder mort en la vegliadetgna dad 86 onns. El ha vivì e lavurà a Mustér, en il vitg e sin claustra. Giusep Huonder è naschì ils 23 da fanadur 1919. El ha frequentà las scolas dal vitg ed il seminari da scolasts a Cuira. Cun 7 onns ha el gì lemprima instrucziun da musica. In studi da musica nhan il temp e las circumstanzas famigliaras betg lubì. Giusep Huonder è stà magister primar a Mustér ed ha dasperas fatg il pur. 35 onns ha el dirigì ils chors dal vitg (scolars, maschadà e viril), ha sunà las orglas en baselgia s. Gions e sin claustra ed el ha instruì onns a la lunga clavazin ed orgla. E Giusep Huonder ha cumponì messas, chants liturgics e surtut chanzuns per chor. Ils 12 doctober 2005 è el mort a Mustér. LArtg musical sa regorda dal magister da clavazin, dirigent, organist e cumponist da Mustér. Nus udin Giusep Huonder che skizzescha sia derivanza e ses champs da lavur. I sa tracta din discurs fatg 1986. Gion Antoni Derungs è stà scolar da Giusep Huonder e Simon Camartin ses successur sco dirigent dal Chor viril da Mustér. Els dus sa regordan dad el.

Redacziun: Giusep G. Decurtins