Musica instrumentala betg tant enconuschenta dal giuven Verdi.Giuseppe Verdi, il grond um da la musica taliana è naschì 1813 a Busseto e mort 1901 a Milano. «L'Artg musical» porta ovras ch'el ha scrit cun 23 fin 25 onns, musica instrumentala betg tant enconuschenta, cumposiziuns per tromba, oboa, fagot e pianoforte. Verdi era da lez temp «maestro di musica» a Busseto. Là viveva el cun sia dunna Margherita e ses uffants Virginia ed Icilio. Tranter 1838 e 1840 moran ils dus uffants e sia dunna. Grevas fridas per Verdi!