Падкаст “Глыбінны народ” рухаецца на Захад і спрабуе разабрацца ў тым, як і чым зараз жыве Гродна.

Кантрабанда, шопінг-туры, сталіца беларускай кавы, "наш Львоў", лідэры палітычнага пратэста — гродзенцам даводзіцца сутыкацца з вялікай колькасцю стэрэатыпаў пра сябе. Разабрацца дзе тут праўда, а дзе выдумкі нам дапамог Аляксей Шота — галоўны рэдактар і выдавец Hrodna.life.

Падкаст “Глыбінны народ” разбірае заганы ды плюсы беларускіх ВНУ.

Гэтая тэма асабліва тычыцца рэгіёнаў, якім дастаецца меньш увагі і грошай на развіццё вышэйшай адукацыі. Пра тое, як менавіта трэба вучыць і вучыцца ў беларускіх універсітэтах сёння і ў будучыні мы паразмаўлялі з аналітыкам, кандыдатам культуралогіі Вадзімам Мажэйкам.

Падкаст “Глыбінны народ” рушыў на поўнач краіны і завітаў у Віцебск.

Як горад на Дзвіне перажывае паслявыбарны перыяд, ці можна выратаваць "Славянскі базар" ад пафасу ды прафанацыі, якія міфы і стэрэатыпы раздражняюць гараджан ды як аднавіць старыя храмы Віцебска і культуру горада — гэтыя ды іншыя пытанні абмеркавалі гэтым разам з віцебскай гарадской актывісткай ды валанцёркай YMCA Belarus Яўгеніяй Пачэпка.

Падкаст “Глыбінны народ” запісаў адмысловы выпуск пра экалагічныя праблемы беларускіх рэгіёнаў.

Разам з экаактывісткай, сузанавальніцай ды сябрай Рады ГА "Экадом" Ірынай Сухій паразмаўлялі пра тое, што цяпер рабіць з беларускай АЭС, як ачысціць ужо забруджаныя радыяцыяй землі і якія вынікі дае змаганне за права на спрыяльнае навакольнае асяроддзе на практыцы.

Фота: Livejournal

Падкаст “Глыбінны народ” працягвае размаўляць з экспертамі пра праблемы і перспектывы развіцця рэгіёнаў.

Гэтым разам дырэктар фонду “Інтэракцыя” Іван Шчадранок дапамог разабрацца ў тым, як знайсці грошы на змены ў невялікіх гарадах, што рабіць з недасведчанасцю і пасіўнасцю чыноўнікаў ды чаму рыхтавацца да глабальных зменаў клімату важна і можна ўжо сёння.

Падкаст "Глыбінны народ" працягвае вандраваць па ўсходзе.

У другім выпуску мы пагаманілі з Пятром Кузняцовым пра тое, як гомельскія ўлады "праславілі" горад "залатымі" прыбіральнямі ды флагштокам, абмеркавалі карані пратэстнага руху ў Беларусі ды будучыню малых гарадоў Гомельшчыны.

Цэнтр новых ідэй прэзентуе ўвазе слухачоў новы падкаст пра жыццё-быццё ў рэгіёнах "Глыбінны народ".

У першым выпуску Юры Стукалаў распавёў пра "гарачы" 2020 ў Магілёве, сталічныя комплексы яго жыхароў ды небяспеку стварэння Магілёўскай народнай рэспублікі.

А таксама пра адметнасці гарадской гісторыі, кантакты з мясцовай уладай ды перспектывы мясцовых актывістаў.