Vit menniskju hava í dag stórar heilsuavbjóðingar, tí vit hava broytt atferð, tá ið tað ræður um heilt grundleggjandi menniskjaligar tættir; eitt nú rørslu, kost og svøvn. Vit røra okkum ov lítið og hava sum heild minni góðar kostvanar. Harumframt sova vit ov lítið, og hesir tættir tykjast eisini at hanga saman.

Nýggj gransking vísir m.a., at unga ættarliðið hevur stórar avbjóðingar, tí tey ikki sova nóg mikið.

 

2/3 av teimum ungu eru ikki úthvíld

Gestir: Thorvald Danielsen, Katrin Petersen, Hanus Kjølbro, Birita Kristoffursdóttir Samuelsen

Nú fyrsta ættarliðið av børnum, sum meira ella minni eru fødd við atgongd til internetið, er við at vaksa til, koma eisini kanningarnar, sum vísa á langtíðarárinini av miðlanýtsluni, og úrslitini eru blandað.

Børnini og tey ungu fáa nakrar førleikar, sum eldri ættarlið ikki hava, men tað vísir seg tíverri eisini, at tey fáa trupulleikar, sum ikki vóru eins eyðsæddir fyrr. Millum annað vísa hesar kanningar, at tey ungu ikki halda so nógv um seg sjálvi, tí tey spegla sær í tí perfekta, tey síggja á sosialu miðlunum.

Mong kenna tað aftur at sita á laboratoriinum á Landssjúkrahúsinum og bíða eftir at taka blóðroynd. Viðhvørt hevur løtan verið drúgv.

Í juli varð nýggj bíleggingarskipan tikin í nýtslu, so nú kanst tú sita við hús og biða tær tíð til blóðroynd ella EKG á rannsóknarstovuni á Landssjúkrahúsinum.

- Skipanin gevur fólki møguleika at bíleggja sær eina tíð, sum passar teimum, og so sleppa tey undan at bíða í hálvan til ein tíma, eftir at sleppa fram at, sigur Birita Kristoffursdóttir Samuelsen, leiðandi bioanalýtikari á Rannsóknarstovuni.

Leygardagin er hátíðarhald í Nólsoy í samband við, at 100 ár eru liðin, síðani Steffan Danielsen var borin í heim.

Nólsoyarnálarin var serligur, og hansara list var serstøk.

Við at leggja eitt ávíst huglag oman yvir myndirnar, megnaði hann at gera vanlig motiv til nakað heilt serligt, sigur Kinna Poulsen, sum hevur skrivað bók um Steffan Danielsen.

Fyri fýra mánaðum síðani var Jens Mortan Rasmussen í morgunsendingini og greiddi frá síni ferð - frá at vilja lætna nøkur kilo - til at renna ein hálvan iron man.

Tá lovaði hann - fyri opnari mikrofon - at hann skuldi gera ein heilan iron man í august.

Tað eydnaðist í síðstu viku. Finnur Koba hevur hitt jarnmannin, Jens Mortan Rasmussen.

Hugsar tú um ólavsøkuna, so hugsar tú kanska eisini um basarin í KFUM-húsinum.

Í sjeyti ár hevur eydnuhjólið snúrað og fiskibrunnurin verið ovurfiskaður á ólavsøku.

Seinastu tríggjar ólavsøkurnar ert tú komin til stongdar dyr, ætlaði tú tær at vitja basarin á Hoydalsvegi 6.

Men stúr ei. Hann letur upp aftur um nakrar dagar.

Bogi Sigurstein og Steinbjørn Olsen frá KFUM-skótum vitjaðu morgunsendinina.

Í ár verða ikki færri enn tveir felagssangir í miðbýnum á ólavsøku.

Umframt felagssangin á Vaglinum á midnátt ólavsøkudag, verður skipað fyri felagssangi fyri børnunum áðrenn setanina ólavsøkuaftan.

Jensina Olsen skipar fyri.

Kennir tú hesi listarfólkini?

Johan Deckman,, Simon Fensholm, Stinne Bo, Jesper Dahl "Jokeren", Anders Reventlov, Jacoba Niepoort og Claus Bohn?

Neyvan. Og tí vekir tað eisini ans, at júst hesi útlendsku nøvnini eru sloppin at sýna fram á árligu Ólavsøkuframsýningini í Listasavninum.

Harumframt eru tríggir føroyingar við - tveir útisetar - Alda Mohr Eyðunardóttir og Eivør Pálsdóttir - og ein dani, sum er blivin føroyingur - Ole Wich.

Bárður Dal Christiansen, fyriskipari, greiðir frá, hví luttakaralistin sær soleiðis út, sum hann ger.

Sunnudagin sníkti GMF seg inn í Sjónleikarhúsið í Havn, har Ólavsøkukabarettin leggur seinastu hond á sketsjirnar og tættirnar, ið verða frumsýndir mikukvøldið.