Prát, innsløg og tónleikur.

Gestir hesaferð:

Gunnvá Zachariassen

Haraldur Símunarson Hammer

Rókur í Jákupsstovu

Í februar í ár hevði Jóhan í Niðristovu, flogskipari, arbeitt hjá Atlantsflogi í 30 ár.

Trý áratíggju við nógvum hendingum og broytingum eru flogin framvið, síðan fyrsta flogtúrin við einum flogfari hjá Atlantsflogi.

Umframt at vera flogskipari var Jóhan í Niðristovu eisini flogovasti í eina tíð, hann hevur sitið í nevndini hjá Vága Floghavn í 12 ár og hann hevði ein stóran leiklut, tá ið Atlantsflog skifti flogtýpu í 2012.

Rotuskógvar.

Tey flestu hugsa ivaleyst í dag, at rotuskógvar hoyra til á einum fornminnissavni.

Men so er ikki hjá Svanhild Strøm, sum býr og arbeiðir í Noregi, har hon er sniðgevi.

Svanhild Strøm er so mikið hugtikin av rotuskóm, at hon í næstan tvey ár hevur arbeitt við at sniðgeva modernaðar, føroyskar rotuskógvar til kvinnur.

- Rotuskógvar eru behagiligir at vera í, og so haldi eg, at teir rigga serstakliga væl til føroysk klæðir. Tí valdi eg at gera einar modernaðar rotuskógvar, sum eisini kunnu brúkast úti, sigur Svanhild Strøm.

Prát, innsløg og tónleikur.

Gestir hesaferð:

Svanhild Strøm

Jóhan í Niðristovu

Heri Ziska

Tá G! Festivalurin verður um hálvan juli, fer tungmálmsbólkurin SIC at hava sína seinastu framførslu nakrantíð.

Framførslan verður serstøk, tí tá fer Bartal Simonsen, sonur oddamannin í SIC, Mikkjal Gaard Hansen, sála, at syngja.

- Tað er spennandi at skula hava hesa konsertina, men samstundis eisini sera rørandi, sigur Eddi Jacobsen, sum stovnaði bólkin í 2002.

Í næstum fara limirnir í bólkinum av álvara í gongd við at venja til framførsluna, sum verður hóskvøldið á G! Festivalinum.

Prát, innsløg og tónleikur.

Gestir hesaferð:

Andrias Klein Gregoriussen

Bartal Simonsen

Eddi Jacobsen

Magnus Elisson

Bruun Rasmussen

Kristel Lisberg

Áhugin fyri at fáa mett virðið á sínum mynt- ella frímerkjasavni var ovurhonds stórur í síðstu viku, tá umboð fyri danska uppboðssøluhúsið Bruun Rasmussen vitjaðu.

Stóra gongdin á Hotel Føroyum var fylt við vónríkum savnarum, sum noyddust at bíða í næstan tríggjar tímar fyri at sleppa framat.

Meðan fleiri máttu ásanna, at virðislutirnir ikki høvdu tað virðið, tey høvdu vónað, so vóru kortini nøkur, ið fingu sær eitt gleðiligt yvirraskilsi.

Finnur Koba hitti ein úr hvørjari legu.

Tey, ið luttaka í sendingini hesaferð eru:

Durita Hansen

Ann-Mari Jensen

Hilmar Augustinussen

Mattias Kapnas

Jan Rúni Poulsen

Hugskotið er eitt ára gamalt og kom, eftir at Durita hevði verið á skeiði á Mat- og moldmentanarskúlanum á Sandoy.

Síðani hevur hon heintað og turkað urtir, sett saman smakkir og ment hugskotið.

Gongst sum ætlað, verður teið til keyps í summar.

Alzheimerfelagið hevur, við góðari hjálp frá stuðlum, fingi til vega eina app, har til ber at finna kunning um nógv ymisk viðurskifti, ið hava við demens og demenssjúkur at gera.

- Har hevur ikki verið nakað stað, tú kanst finna føroyska kunning, um tú til dømist hevur varhugan av, at onkur hevur eina demenssjúku, sigur Ann-Mari Jensen, forkvinna í alzheimerfelagnum.

Í appini kanst tú lesa um hvørji tekin eru um byrjandi demens, avbjóðingar, ið kunnu stinga seg upp við mati og drekka, um samskifti bæði við demenssjúk og avvarandi og ymiskt annað.