Tað er fyri at skapa kjak um etik og vælferðartøkni, at etiska ráðið og sjúkrarøktaetiska ráðið saman skipa fyri einum tiltaki, har hugtakið verður tikið upp úr ymsum sjónarhornum.

- Tað er ikki so, at vit sita og bíða eftir, at tøknin skal vinna sær veg inn í vælferðina, tí hon er langt siðan komin, sigur Anne Mette Greve Klemensen, forkvinna í etiska ráðnum, tá hon verður spurd um orsøkina til tiltakið. Alt frá linnandi lutum til fólk við demensi til armbond til teirra, sum ikki sleppa upp aftur, um tey detta, koma inn undir heiti vælferðartøkni, sum longu verður nýtt.

Vitjanin er løgd til rættis í samstarvi millum bygdafólkið, Visit Runavík og Runavíkar Havn.

Tá tikið verður ímóti ferðamannaskipum í smáu bygdunum, Elduvík og Funningi, verður ein serstakur leistur fylgdur, har høvuðsfyriskipararnir leggja dent á at tryggja sær eitt sosialt burðardygt tiltak.

Í mesta lagi trý skip verða loyvd inn á Elduvík um árið.

Seinasta ferðamannaskipið, ið vitjar í Elduvík í ár, kemur mánadagin 3. oktobur.

Prát, innsløg og tónleikur.

Í januar fekk Martin Kúrberg eina greiða ávaring um, at hann í alt ov nógv ár hevði livað eitt ósunt lív.

Av tí sama var vektin vorðin alt ov høg.

Úrslitið var ein blóðproppur í heilanum.

Meðan Martin var innlagdur á landssjúkrahúsinum, gjørdi hann av, at nú skuldi leggjast á annan bógv.

Í morgunsendingini fortelur Martin Kúrberg um hendingina, tá hann fekk blóðtøpp, hvussu tað ávirkaði seg, og hvussu hann hevur tað í dag.

Gestir:

Martin Kúrberg, Marjun Niclasen, Rannvá Troest og Rubeck Annfinnsson Jacobsen.

Nær skulu børn fáa sannleikan at vita, og nær er tað barnsins besta, at tað ikki fær sannleikan men ístaðin eina lygn?

Hetta er evnið, tá Vígdis Skorheim, námsfrøðingur, sum hevur lisið námsfrøðiliga sálarfrøði, vitjar í morgunsendingini.

Næstan eitt heilt ár á skúlabonki í Alaska.

Soleiðis hevur tilveran verið seinastu 10 mánaðirnar hjá 16 ára gomlu Bjørk Gaard Magnussen úr Vestmanna.

Í august í fjør fór hon á miðnámsskúla í býnum Palmer í Alaska, og fyri júst eini viku síðani kom Bjørk aftur til Føroya.

Men hvussu er at fara úr Vestmanna og alla ta longu leið til Alaska og hava ein gerandisdag har?

Í morgunsendingini greiðir Bjørk Gaard Magnussen frá upplivingini.

Gestir í sendingini hesa ferð eru Sólfríð Bech, Bjørk Gaard Magnussen, Jonhard Mikkelsen og Vígdis Skorheim.

- Ikki at hugsa um hvørki klokku, arbeiðið ella sosialar miðlar og bara ganga úti í fjøllunum er sum balsam fyri sálina.

Orðini eigur Jens Jákup Hansen.

Javnan ger hann túrar úti í náttúruni, har hann bert hevur tað mest neyðturviliga við sær: Eitt tjald, ein ryggsekk og aloftast eisini eitt upptøkutól.

Og túrarnar dokumentarar Jens Jákup Hansen og leggur út á sín Facebookvanga, soleiðis at onnur eisini kunnu fáa gleði av hansara túrum úti í náttúruni.

Hoyr sendingina her