Herfyri skipaði miðnám á Kambsdali fyri stuttsøgukapping millum næmingarnar. 

Marita Terjadóttir Højgaard, sum gongur á HF, vann við søguni Tit spæla við dukkur.

Nummar tvey bleiv Eva Kallinikova Samuelsen, ið gongur í 1g. Søga hennara eitur Tínar avgerðir hava avleiðingar.

Morgunsendingin fær eisini orðið á Dorit Hansen, sum, saman við øðrum, var í fyrireikingarbólkinum í sambandi við stuttsøgukappingina.

Filmurin Trøllabeiggi hevur vunnið eitt ótal av virðislønum. Nú er hann í uppskoti til enn eina virðisløn, Hesa ferð er tað á einum stórum indiskum filmsfestivali.

Í tí sambandi eru Gudmund Helmsdal, leikstjóri, og Nikolaj Falck, leikari, bodnir til Mumbai at vera við á festivalinum.

Trøllabeiggi er søgan um tveir brøður, sum, eftir at teir brádliga mistu eldra beiggjan, stríðast fyri at bjarga garðinum hjá familjuni.

Hetta er ein søga, sum talar til flest øll fólk, sigur leikstjórin.

Prát, innsløg og tónleikur.

- Kanningar vísa, at millum 25 og 50 prosent av djórunum eru alt ov feit.

Soleiðis sigur Signar Petersen, sum er djóralækni. .

- Júst sum við menniskjum, so er tað ein trupulleiki hjá djórum, sum viga ov nógv, at tey fáa ymiskar fylgisjúkur, sigur Signar Petersen og vísir á, at trupulleikin er størri, enn fólk geva sær far um:

Eg hevði roknað við, at tað fór at vera lættari at manna bátarnar nú, men tað tykist sum, at fólk í størri mun hava leitað aftur til skíggjarnar.

Tað sigur Edmund S. Jacobsen, sum er ein teirra, ið skipar fyri Norðhavnsregatta. Lagt er upp til ein drúgvan og fjølbroyttan reggatadag í Norðhavnini.

Sjálvur bleiv hann ikki bitin av kapróðri fyrr enn í 2013, men síðan hevur kappróðurin fylt ógvuliga nógv.

Umframt at rógva sjálvur hevur Edmund eisini gjørt film um føroyska kappróðurin.

Prát, innsløg og tónleikur.

30 ár á sama arbeiðsplássi kunnu kanska kennast einstáttað, men ikki á einari støð sum hesari, halda tær báðar.

- Fyrr skuldu vit vita hvørja olju tey ymsu bilasløgini skuldu brúka, umframt nógv annað um bilar, og vit skuldu prísa hvørja einastu vøru við maskinu, men í dag snýr tað seg meira um at gera og borðreiða við mati til tey, sum koma á gátt, sigur Katrin.

- Eftir at eg hevði arbeitt heima við okkara børnum, hevði eg hug til at fara út aftur at arbeiða, og havi trivist so væl her, at eg bara var verandi, sigur Sirið.

Samrøður, innsløg, prát og tónleikur

Leygarkvøldið 19. november verður stórfingin konsert í høllni á Hálsi í Havn. Tá fer Anastacia á pallin.

Tað var við sanginum I'm Outta Love, sum kom út í ár 2000, at hon veruliga bleiv ein superstjørna á altjóða tónleikapallinum.

Seinni gjørdi hon vart við seg á hittlistunum við eitt nú Sick and Tired, Paid My Dues og Why Did You Lie To Me.

Fyriskipararnir siga, at 2300 atgongumerki verða seld í sambandi við konsertiná á Hálsi í Havn.

Samrøður, innsløg og tónleikur