- Hvønn dag skulu øll fólk í Bejing kannast fyri Covid-19, sigur Sigmund.

Hetta er galdandi fyri øll fólk eldri enn 3 ár og talan er um yvir 20 milliónir fólk, sum hvønn dagin sum skulu taka ein PCR test.

Tað eru ikki øll, ið hava møguleika fyri at velta sítt egna grønmeti, men tey eru nokk fleiri sum hava hug. Tað metir Marita Øre, sum er gartnari og sum arbeiðir á teknisku deild hjá kommununi í Fuglafirði.

Hon er ein av teimum, sum hava arbeitt við hugskotinum um at geva fólki eitt lítið øki, sum tey kunnu brúka til at velta epli, grønmeti, rabarbur ella okkurt heilt annað.

Marita Øre, David Arge Klevang Pedersen, Símun Heimustovu

Tað var í februar síðsta ár, at rovarin Perseverance lendi á gongustjørnuni Mars, har hann skuldi kanna, um tað einaferð í fyrndini hevur verið lív.

Rúmdarbilurin varð settur av í Jezerogosholinum, har mett verður, at tað einaferð í fyrndini hevur verið eitt stórt vatn.

Tá ið fyrstu myndirnar komu frá rovarnum, vísti tær eitt øki, sum minti rættliga nógv um økir her á jørðini, har tað einaferð hevur verið eitt vatn og har legugrýti hevur lagt seg á botnin. Tí vóru astrojarðfrøðingarnir sannførdir um, at rovarin var lendir mitt í einum ósa.

Hví hava nógvir føroyingar psoriasis, og hvussu ber tað til, at fleiri í eini familju hava sjúkuna?

Hetta er millum annað tað, sum Ester Weihe Jacobsen, lækni, hevur skrivað stóra phd. ritgerð um. Í farnu viku vardi hon ritgerðina.

Ester Weihe Jacobsen hevur brúkt eini 700 persónar við psoriasis, og sum hava verið hjá húðlækna.

Prát, innsløg og tónleikur.

Tey, ið taka lut í sendingini eru Árni Muller, Sólbjørn Thomsen, Leif Hansen, Bjørt Samuelsen og Jóhannis Joensen

Trolling Master Bornholm 2022 eitur árliga, stóra fiskikappingin á Bornholm, sum byrjaði mikudagin í hesi viku og endar leygardagin.

Hetta er ein kapping, har vinnarin er tann, sum før størsta fiskin.

Tilsamans 319 bátar eru við í kappingini, og luttakararnir eru frá seks ymiskum londum - harímillum Føroyum.

Klaksvíkingurin, Árni Müller, er saman við fýra øðrum monnum farin til Bornholm við 20-tonsaranum, Jaws, at luttaka í kappingini.

Hóast árliga kappingin á Bornholm byrjaði í 2005, er hetta fyrstu ferð, at menninir umborð á Jaws eru við.

Eingin ivi er um, at koronatíðin er farin illa við kórsanginum, tí júst hetta ítriv hevur ligið meira ella minni stilt í tvey ár. Tað er Leif Hansen, nevndarlimur í kórsambandi Føroya, sannførdur um.

- Fleiri eru allarhelst farin undir at gera okkurt annað í staðin, og støðið sum heild kann vera lækkað, tí fólk ikki eru sloppin at syngja saman. Men hetta avspeglar tíbetur ikki luttøkuna til kórfestivalin, tí 12 kór hava boðað frá, at tey koma við.

Luttakarar, Jórun Poulsdóttir, Gunnbjørn Joensen, Sissal Tókadóttir Dahl og Hanus Pál Jógvansson