Sunnudagin bleiv 29 ára gamli Hanus Pál Jógvansson prestvígdur í Dómkirkjuni.

Næstu tríggjar mánaðirnar verður hann virkandi sóknarprestur í suðurstreymoyar vestara prestagjaldi.

Ungi presturin úr Nólsoy er eyðmjúkur og spentur um uppgávurnar, sum eru fyri framman.

- Eg haldi, at tað er eitt ógvuliga spennandi starv, men tú hevur eisini stóra ábyrgd. Eitt nú hugsi eg um, at tú skalt til dømis syrgja fyri, at fólk fáa eina vakra og virðiliga jarðarferð, sigur Hanus Pál Jógvansson, sum seinastu sjey árini hevur verið undir útbúgving.

Luttakarar, Píl Reinert, Marjun Niclasen, Torben Nielsen, Sofus Hansen og Tór Marni Weihe

Flestu mánaðarnar í árinum er skápið bara eitt skáp, men tá várar, byrjar tað at larma, og skuffur og hillar fáa eitt innihald, sum ikki líkist tí, í øðrum skápum.

Tá fer gamla klekimaskinan í gongd við at gera tað, sum hon hevur gjørt, alt tað Píl Reinert minnist. Eggini fara í, og úr koma teir bleytastu høsnar- dunnu- og gásarungarnir.

Samrøður, innsløg og tónleikur

Tá lá ikki í kortunum í september 2019, at Jens Mortan Rasmussen skuldi gera ein sonevndan iron man.

Í september 2019 vildi tilvildin, at Jens Mortan Rasmussen fór at lætna nøkur kilo.

Í dag - smá trý ár seinni - venur hann til ein sonevndan "Iron man".

Finnur Koba setti seg herfyri í samband Jens Mortan Rasmussen í eini roynd at fáa hann at fortelja síni søgu.

Jens Mortan játtaði - men við teirra treyt, at Finnur kom við honum inn í Eysturoynna at venja.

Tá Fótbóltssamband Føroya skipar fyri landsdystum og øðrum stórum tiltøkum, er trygdin av alstórum týdningi.

Tí hevur trygdarovastin í Fótbóltssambandi Føroya, Terji Nielsen, nú fingið ta hægstu útbúgvingina av sínum slagi í norðurlondum - trygdarovasti A+.

Talan er um eina lutfallsliga nýggja útbúgving, og í danska kongaríkinum eru bara 25 fólk, sum hava hana. Terji Nielsen er tann einasti í Føroyum, ið hevur útbúgvingina, sum fyrst og fremst er ætlað at brúka í fótbóltshøpi.

Hví varð 16 ára gamla Maria Fuglø Christiansen funnin druknað við byrgingina í Hvannasundi í 2012?

Tann spurningurin hevur verið afturvendandi hjá mongum seinastu 10 árini.

Ikki bara millum avvarðandi og løgregluna, sum í tveimum førum gravaði málið fram aftur.

Tí eisini TV2 hevur granskað í málinum í trý ár, og úrslitið er dokumentarrøðin "Druknet", sum varð send í TV2 og Kringvarpinum í gjárkvøldið.

Føroysku miðlarnir manglaðu

Prát, innsløg og tónleikur.

Koyrir tú eftir Vegnum Langa í Hoyvík, so hevur tú kanska lagt til merkis, at nakrar spildurnýggjar vindmyllur stinga seg upp omanfyri Havnina.

Talan er um nýggju vindmyllulundina hjá Vindrøkt, sum nú tekur skap.

Stjórin í Vindrøkt, Jóhan í Niðristovu, tók fyrradagin Finn Koba við sær í bilin at vitja tær seks vindmyllurnar við Gellingarklett.

Nógv vóru tey, sum sungu við tá Safir sungu 'høgrajam', 'mánin' og ikki minst 'tú ert so deilig', tá útgávan hjá teimum kom í 1996. Ætlanin var alla tíðina, at ein tvey'ari skuldi koma í hølunum á hesari fyrstu, men lívið kom í vegin, og tí tók tað 26 ár at koma á mál.

Safir Tvey er ein ep við 5 løgum, sum í næstum verður tøk talgilt, og í dag frumspæla vit fyrsta sangin, sum eitur Vár.

Og hesir ungu menn, sum ikki tímdu at vera vaksnir, eru teir so vaksnir nú? Hoyr samrøðuna við Tór Verland Johansen og Janus Trúgvason.