Eitt nýtt staklag frá Embers, X-factor luttakararnir, sum gera klárt til finalu í kvøld, sjónleikur um Lykken og Lykkenborg, Biit, sum fer at senda beinleiðis frá Sement og pensjoneraðir politistar, sum hittast at práta um gamlar dagar.

Luttakarar í morgun vóru Annbrit Jacobsen, Tina Mellemgaard og Kári Fossdalsá, Rannvør Fríða Eyðunsdóttir og Fríði Djurhuus, Rani Wardum og Jógvan Esmar Ósa, og Búi Dam og Kristina Ougaard Sørensen.

Luttakarar, Jórun Pálsdóttir, Jógvan Søren Hansen, Hergeir Staksberg og Hallgerð Akurstein

- Nú byrjar hetta at líkjast gomlu Prix Føroyar-kappingini. Tað sigur Hergeir Staksberg, sum er millum fyriskipararnar.

Í ár hava ikki færri enn 17, bæði royndir og óroyndir bólkar, teknað seg.

Trý undanumfør vera, áðrenn sjálva finaluna.

Fyrsta undanumfar verður nú eygarkvøldið, 9. apríl

Treytirnar eru hesar:

- Hvør bólkur hevur 15 minuttir á pallinum

- Øll løgini skulu vera egin løg og ikki útgivin áður

Nú byrjar eitt skeið í kajakkbygging í Føroyum. Í 10 dagar skulu luttakarar byggja fimm kajakkir og arbeitt verður 10 tímar um dagin fram til 18. apríl.

Undirvísarar koma úr Nuuk, annar teirra er Besti kajakkrógvari í Grønlandi, Maligiaq Padilla, er komin úr Nuuk at undirvísa.

Hann hevur seinastu 10 árini undirvíst í kajakkbygging í Alaska og Kanada. Nú fer hann so at undirvísa í Føroyum, og Í kvøld, hóskvøld, heldur hann eisini ein almennan fyrilestur um kajakbygging og um søguliga og nýmótans kajakknýtslu í Arktis.

At framtíðin hoyrir ungdóminum til, er nakað sum felagsskapurin UNLEASH hevur tikið til eftirtektar, tí tey vilja hava tey ungu til at koma við sínum íkasti til, hvussu vit røkka heimsmálunum, sum ST setti út í kortið til ár 2030.

Í august mánaða skipar UNLEASH tí fyri einari verkstovu í Grønlandi, har ung úr øllum tí arktiska økinum eru boðin við. Tey fara at arbeiða við trimum av heimsmálunum fyri at finna fram til góð hugskot til verkætlanir ella lutir, ið hava hesi mál í huga.

Morgunsendingin hittir Charlottu á Váli, nevndarlim í Føroysku barnahjálpini, Ólavur á Váli, sum samskipar konsertina og Angerlinu Johannesen, ið býr í Klaksvík, men er úr ukrainska býnum, Kharkiv.

Hon greiðir frá, at tað var ógvuliga trupult at samskifta við familjuna fyrstu dagarnar eftir át kríggið byrjaði. Eina ferð gingu 20 tímar, har hon einki hoyrdi. Tað kendist sum fleiri vikur, sigur Angelina Johannesen.

Konsertin er í Løkshøll leygardagin, 9. aprí,l klokkan 16:00 og helvtin av innkomna peninginum fer til hjálp til neyðstødd børn í Ukraina.

Maud Wang Hansen, stjóri á Grøna háskúlanum, dámar ikki at verða nevnd serfrøðingur. Hon hevur tó drúgvar royndir og veit eina rúgvu um tað, sum kann fáast burtur úr urtagarðinum og plantikassanum.

- Tað er ikki so trupult at koma í gongd, sigur hon. Tað, sum hevur týdning, er, at tú ikki leggur ov nógv fyri beinanvegin.

Í hesum tátti gevur Maud Vang Hansen góð ráð og svarar alskyns spurningum frá lurtarum.

Í sendingini luttaka Firouz Gaini, Charlotta á Váli, Ólavur á Váli, Angelina Johansen, Maud Wang Hansen, Hildur Arge, Tummas Arge Seloy

Firouz Gaini, professari í antropologi, stendur fyri verkætlanini um pápar og familjulív. Hetta er fyrstu ferð, at granskað verður í familjulívi og maskuliniteti í Føroyum.

Motivatiónin at fara undir at kanna hesi viðurskifti nærri var, at sjónarmið og royndir hjá føroyskum monnum um eitt nú kyn, barnauppaling og familjuvirði fylla ov lítið í almenna orðaskiftinum.

Fyribils úrslit benda á, at maðurin í stóran mun roynir at finna sítt nýggja pláss í samfelagnum.

- Nógv er hent í matvøruframleiðsluni seinastu árini; ikki minst tí at kundin krevur, at vørurnar eru burðardyggar, og sjálvt um vit ikki hava eina føroyska vistfrøðisgóðkenning, so hugsa vit hetta inn í okkara virksemi, sigur Sigert Patursson, formaður í bóndafelagnum.

Tað snýr seg um at hittast, kjakast og sparra, tá ið fólk við áhuga fyri burðardygd og sjálvbjargni í føroyskari matvøruframleiðslu hittast til ráðstevnu fríggjadagin og leygardagin.