Anna Kalsø og Eyðstein Simonsen eru júst heimafturkomin úr Svøríki, har tey hava luttikið í eini kapping hjá Kronan Crossfit.

Tey kappaðust í masters 75+, sum merkir, at luttakararnir tilsamans skulu vera eldri enn 75.

Tey gjørdust nummar trý til kappingina og eru sera væl nøgd. Hetta er fyrstu ferð, at tey kappast saman, men als ikki seinastu ferð, siga tey bæði. 

Tey hava íðkað Crossfit leingi og ganga bæði høgt upp í heilsu og at røra seg, tí tað gevur teimum meira orku í gerandisdegnum.

Tey, ið luttaka í sendingini eru Ragnhild Ellingsgaard, Vagn Foldbo, Hans Andrias Sølvará, Heini í Skorðini, Sigert Patursson, Elisabeth Skarðhamar Olsen, Eyðstein Simonsen, Anna Kalsø

Heini í Skorini, Hans Andrias Sølvará og Herit Albinus, sum øll starvast á Søgu- og samfelagsdeildini á Fróðskaparsetri Føroya, hava gjørt eina kanning um átrúnað í Føroyum. Kanningin er gjørd eftir sama kanningarleisti sum í hinum Norðurlondunum, so at tað ber til at samanbera londini.

Tað vísir seg, at Føroyar eru eitt norðurlendskt undantak, tá ið tað kemur til átrúnað.

Heini í Skorini og Hans Andrias Sølvára eru ikki bilsnir um úrslitini. Tað sæst eisini aftur í samfelagnum, at føroyingar eru meira trúgvandi enn fólk í hinum Norðurlondunum, siga teir báðir.

Hetta sigur Lovinda Halgaklett, sum júst hevur givið út sítt fyrsta staklag, sum eitur 'Still Here'.

Lovinda arbeiddi eitt tíðarskeið við fólkum við seinheilaskaða, og sangurin er sprottin burtur úr hesum arbeiði, har hon sá, at har ofta skal meira til, enn tað, sum fakfólk kunnu bjóða.

Samrøður, innsløg og tónleikur

Allir næmingar í 8., 9. og 10. flokki hava havt møguleika at vera við í spurnarkanning sum Ráðið fyri Ferðslutrygd, Betri Trygging, og Mentamálaráðið hava gjørt. 

Lovisa Petersen Glerfoss, stjóri í Ráðnum fyri Ferðslutrygd greiðir frá, at tað als ikki er vandaleyst at koyra prutl, tí kanningin vísir, at triði hvør av teimum ungu svaraði, at tey vóru komin til skaða orsakað av prutlkoyring.

Í studio 43, sum er í gamla Sanatoriibygninginum í Hoydølum í Havn, hevur ein forkunnug útgáva verið í umbúna seinastu mánaðirnar. Leysir endar er heitið, og ætlandi kemur hon út í heyst.

Upptøkurnar eru gjørdar í Studio 43 í Hoydølum. Undir upptøkuni, gjørdu tónleikararnir ring rundanum Anniku og spældu øll ljóðføri inn akustiskt.

Um útgávuna sigur Annika Hoydal:

- Har í fagra dalinum vaks pápi okkara upp millum sjúklingarnar í deyðans skugga.

Prát, innsløg og tónleikur.

Tað er av alstórum týdningi, at kristiligi boðskapurin kemur rætt út til børn, soleiðis at tey ikki blíva bangin.

Tað heldur Arni Zachariassen, sum júst nú hevur týtt tvær nýggjar kristiligar barnabøkur.

Onnur bókin eitur "Ein garður, eitt forhang og ein krossur? og hin bókin ber heitið ?Undrið klokkan eitt". Í fjør týddi Arni Zachariassen eisini eina aðra kristiliga barnabók til føroyskt.

Í morgunsendingini sigur Arni Zachariassen sína hugsan um, hvussu hann heldur, at kristni boðskapurin eigur at verða fortaldur fyri børnum.

Luttakarar í sendingin eru Jórun Pólsdóttir, Bjarni Arge, Lisa í Dali, Kári Sólstein og Arni Zachariassen