Prát, innsløg og tónleikur.

Bart út er heitið á Stand up tiltaki í Reinsarínum, sum verður fyri triðju ferð í morgin. Bart út hevur givið skemtið í Føroyum ein pall, har tað oftari fyrr bara varð skemtað til veitslur og annað.

Í annaðkvøld kl. 21 eru tað Svanna Hentze í Gong, Astrið Gullborgardóttir og Ásbjørn Berthelsen, sum fara at syrgja fyri láturkrampunum. Føroyska Stand up umhvørvið er voksið, og tað ber til at fara til Stand up skeið í Føroyum eisini.

Vit kenna hana sum Madelaine Albright, men upprunaliga æt hon Marie Jana Korbelova. Hon varð fødd í Prag í fyrrverandi Tjekkoslovakia í 1936 og flýddi saman við familjuni undan nazistunum í 1939.

Hon byrjaði at arbeiða í hvítu húsunum, tá Jimmi Carter var forseti og starvaðist á uttanríkispolitiska økinum undir fleiri valstríðum, áðrenn hon í 1993 byrjaði diplomatiska arbeiði sítt sum ST-umboðskvinna fyri USA.

Einaferð var Norðlýsið eitt fiskiskip, sum var um at falla í órøkt, men eftir at Tróndur Patursson fekk hendur á tað, og nógv gott fólk traðkaði til sum tíðin leið, siglir hon nú kring oyggjarnar í besta formi, við sínum eyðkendu reyðu seglum.

Sjálvt um Norðlýsið verður rikið á einum handilsligum grundarlagi, so skal tað at fáa eina hýru ikki vera grundarlagið hjá teimum, sum manna skipið, sum nú leitar eftir manning.

Ein danskur barnafysioterapeutur gav einari gentu og einum dreingi ein fettalja við á stovn ein dag, sum eina roynd. Tá ið dagurin var liðugur, hevði drongurin umleið 18.300 fet, og gentan hevði 5300 fet. Drongurin hevði spælt úti størsta partin av degnum saman við øðrum dreingjum, meðan gentan gjørdi ymiskt kreativt inni saman við øðrum gentum.

Hví er ikki rúm fyri at vera tann tú ert í einum mansligum ítróttarumhvørvi? Tað er spurningurin, ið verður umrøddur í leikinum, Off side, sum LGBT-bólkurin, Hils din mor, stílar fyri.

Í Føroyum eru homofobiskar viðmerkingar framvegis at hoyra í ítróttarumhvørvinum. Tað sigur Esther Margreth Petersen, ið er samskipari hjá LGBT+ Føroyar.

Eingi hagtøl eru tøk í Føroyum, men LGBT+ Føroyar hevur á sínum instagramvanga spurt, um fólk hava uppliva homofobiskar viðmerkingar í fótbóltsumhvørvinum.

Har svaraði helvtin, at tað høvdu tey.

Tey, ið luttaka í sendingini eru:

Jóhann Lutzen, Maud Wang Hansen, Leif Hansen, Høgni Reistrup og Haraldur Símunarson Hammer

Serfrøðingurin hesaferð er Haraldur Símunarson Hammer, gartnari, og hann gevur góð ráð um millum annað grasplenur, rhododendron runnar, rabarbur og jarðberjaplantur.

Er tað í lagi at seta ein gravstein upp til minnis um ein fiktivan persón? Ella er hetta yvirhøvur ein gravsteinur?

Høgni Reistrup frá Guide to the Faroe Islands er ein teirra, sum stendur aftan fyri hugskotið við minnissteininum, meðan Leif Hansen heldur, at gravsteinar bert hoyra heima í einum kirkjugarði.

Hoyr kjakið her.

- Tað snýr seg um at trúgva upp á egnan mátt og megi, og vit skulu tora at fara undir at velta okkara egna her í Føroyum. Tað hevur ongantíð verið so umráðandi sum nú, sigur Maud Wang Hansen, og sipar til, at kostnaðarstøðið á matvørum av álvara hækkar beint nú.

- Eg søkti starvið, tí tað hóskaði so væl til mín, og gjørdist so fegin, tá eg fekk starvið, men tað er eingin løtt uppgáva, tí vit skulu alla tíðina vera viðkomandi og beint nú snýr tað seg um at fáa ungdómin at velja at koma á okkara háskúla.