- Vit hava dugnaligar sjúkrarøktarfrøðingar, sum hava fingið frálæru í at taka ímóti kvinnum, sum eru neyðtiknar, og tað er sera týdningarmikið fyri okkum, at tey, sum koma til okkara, kenna seg trygg og í góðum hondum. Vit trúgva øllum, sum tær siga okkum, tí tað er ikki okkara uppgáva at vera kritisk um nakað sum helst, sigur Diana Reynstind, serlækni í kvinnusjúkum, sum varar av neyðtøkutilbúgvingini.

Arbeiðið við hesari tilbúgving hevur meira ella minni verið í gongd í tíggju ár, men tað er ikki fyrr enn seinastu tíðina, at ferð veruliga er komin á.

Prát, innsløg og tónleikur.

Prát, innsløg og tónleikur.

Prát, innsløg og tónleikur.

Maiken Skarðenni og Turid Christophersen, vegleiðarar á Vegleiðingarstovuni, eru í morgunsendingini.

Tær geva lurtarunum góð ráð um, hvat vert er at hava í huga, tá søkt verður inn á hægri útbúgvingar.

Eisini verður hugleitt um, nær tað kann vera skilagott at umhugsa at broyta starvsleið.

Við nýggja poddvarpinum vóna vit at flyta hugburðin, siga Anna Joensen Næs og Laura Apol frá ávikavist Sinnisbata Ung og Sinnisbata.

Tøgn verður gjørdur í samstarvi millum tey bæði.

Poddvarpið TØGN snýr seg um tað, ið er torført at tosa um. Tað, ið er tabu.

Men ikki longur - nú bróta vit tøgnina, verður sagt.

Tað er týdningarmikið, at kirkjan er sjónlig og viðkomandi, sjálvt um hon ikki gerst partapolitisk, sigur Theodor Eli Dam Olsen, prestur.

- Tað er so skjótt at vit seta tað góða og tað ónda upp móti hvørjum øðrum og siga, at hesi eru tey góðu og hasi eru tey óndu, men hesum mugu vit ansa eftir, sjálvt um vit hugsa okkara og hava samhuga við teimum sum líða. Vit mugu ansa eftir at vit ikki peika ósek fólk út, tí at tað eru leiðarar og lond sum fara í kríggj, meðan nógv ósek fólk búgva í hesum londum.

Hósdagin kemur árliga skattauppgerðin, og tá kunnu allir føroyingar fara í Mínboks at vita, um teir hava fingið pengar aftur í skatti.

Diana Gilstón, deildarleiðari á Stjórnarskrivstovuni, greiddi frá, at í dag verður mínboks nýtt. Tó verða brøv send út til fólk, sum enn ikki hava fingið sær Mínboks, men tey kunnu vænta at bíða til í næstu viku eftir uppgerðini.

Upphæddin liggur árliga millum 50 og 57 milliónir, sum verða afturgoldnar. Nøkur fólk fáa tó eina rokning, tí tey hava goldið ov lítið í skatti, meðan nógv fólk hvørki fáa ella skylda nakað.

Tað er ein tíð eftir korona, og nú er alt loksins vanligari aftur. Tað merkir eisini, at tað eru áskoðarar til dystir aftur, og tað ber til at ferðast aftur.

Tað fer fjepparafelagið Skansin at gera sær dælt av. Tá ið manslandsliðið í fótbólti fer at spæla dystir í UEFA nations leage í ár, verður Skansin við aftur, fyri fyrstu ferð síðani 2019.

Føroyar spæla móti Turkalandi í Turkalandi 4. juni.

Johan Ásmundsson, formaður í fjepparafelagnum Skansanum, fegnast um, at tað ber til at skipa fyri einum túri aftur.

Tá tjaldmøtini á Gøtueiði nærkaðust endanum, tóku nakrir mans stig til at keypa eini hús í Skálafirði, ið skuldi verða savningarstað fyri karismatisku rørsluna, sum var sprottin fram í Eysturoynni. Samkomuarbeiðið í Kelduni byrjaði í 1987.

Í 1997 vórðu Pauli og Jastrid Høj sett í tænastu sum leiðarapar, eftir at hava kent Harrans kall til hesa tænastu.

Nógvar broytingar eru framdar hesi árini. Samkoman er vaksin nógv, og kristin frískúli er settur á stovn.