- Eg eri sjokkerað, og eg havi grátið nógv.

Orðini eigur Linda Dahl Joesen, sum er úr Vági.

Seinastu tvær vikurnar hevur Linda Dahl Joensen, sum lesur sjúkrarøktafrøði í Danmark, verið í starvsvenjing á einum sjúkrahúsi í Uganda.

Umstøðurnar eru sera fátæksligar, og eitt nú mangla týdningarmikil amboð og útgerð so sum fepurmátarar, blóðtrýstmátarar, handskar, nálir og so framvegis.

Tí fekk Linda Dahl Joensen saman við einum donskum flokksfelaga hugskotið at gera eina innsavning. Hetta var síðst í farnu viku.

Vinsemi bindur okkum saman - líkamikið hvar á jørðini, vit búgva. Tað er uppáhaldið, sum Expedition Kindness, við teksti, filmsupptøkum og myndum, roynir at vísa á.

Tað er Jan Vejle, sum varðar av, og í løtuni eru hann og dótturin, Alberthe, í Føroyum og leita eftir vinsemi.

Hann hevur handil á Ærø í Danmark. Har kunnu vitjandi skriva á pappírslepar um hendingar kring heimin, har tey hava upplivað serstakt vinsemi.

Hann leggur seg eftir at vitja hesi støð. Ofta saman við børnum sínum.

Prát, innsløg og tónleikur.

Tað var í nátt, nakað fyri klokkan trý, at fólk stukku upp úr svøvni, tá ein hvøllur brestur hoyrdist.

Tá morgunsendingin fekk orðið á Bjarna Nygaard, trivanaðarfólk í Tvøroyrar kommunu, hevði eingin froðbingur fingið netsambandið aftur.

Tað hevur tikið sína tíð, tí trupult hevur verið at fáa royndir til og frá París, har framleiðarin av Siba luktilsinum heldur til. Einar 25 royndir skuldu til, áðrenn rætti angin var valdur, og nú ber so til at keypa serføroyska luktilsið til kvinnur í Føroyum.

- Vit valdu blákollu og grann sum okkara grundanga, tí hetta er nakað, tú saktans kanst kenna aftur úr Føroyum, sigur Barbara Næss Gunnarsson, ið er ein teirra, ið stendur aftan fyri Siba luktilsið.

Prát, innsløg og tónleikur.

Tey luttakandi í sendingini eru Andrias Klein Gregoriussen, Marý Fjallstein Petersen og Magnus Magnussen

Tíbetur var tað ikki ein nýggjur vertur, sum stóð har. Tað sigur Magnus Magnussen, sum hevur drúgvar royndir sum gekkavertur.

Brúk var fyri royndunum fríggjakvøldið, tí tá gekk einki sum tað skuldi.

Tøknin sveik, og spælið mátti avgreiðast á alternativan hátt.

Endin var, at verturin mátti ringja við síni egnu telefon til lúkuvinnararnar.

Tann, ið vann fulla plátu, kundi ikki snara. Tann parturin verður avgreiddur í kvøld, mánakvøld, eftir 3-2.

Tað var ikki stuttligt, meðan eg stóð í tí, viðgongur Magnus Magnussen.

Tá Marý Fjallstein Petersen av Glyvrum gekk í fólkaskúla var alis- og evnafrøði als ikki millum lærugreinirnar, henni dámdi best.

Beiggjar hennara hildu, at hon átti at roynt Tekniska skúla í Klaksvík, tí har bleiv tað praktiska brúkt í eins stóran mun og tað bókliga. Hetta munaði.

Brádliga bleiv Marý ógvuliga áhugað í allsfrøði, tí tá sá hon, hvussu alisfrøðin riggaði í veruleikanum.

Hon byrjaði at hyggja at møguligum verkfrøðingaútbúgvingum, og tann, henni dámdi best, var luftrúmsverkfrøði.

Prát, innsløg og tónleikur.