Nógvir fjølmiðlar brúka sosialar miðlar, serliga Facebook, til at leggja tíðindasøgur út á. Møguleiki er tá hjá øllum at viðmerkja, og onkrar søgur fáa sera nógvar viðmerkingar.

Dømir hesa vikuna eru søgan um landsstýrismannin, Jørgen Niclasen, sum varð tikin fyri rúsdrekkakoyring, og søgan um Rannvá Tórfríð Jørmundsson, sum savnaði 1,3 mió. undirskriftir inn fyri at steðga springaradrápið.

Báðar søgurnar hava fingið sera nógvar viðmerkingar, og nógvar av viðmerkingunum eru persónligar ella ógvusligar.

Tað var tann 11. august í 1986, at Ovi Joensen steig fótin á land á Longulinju í Keypmannahavn, har hann kysti standmyndina av lítlu havfrúnni, eftir at hann 41 døgn frammanundan hevði lagt frá landi úr Nólsoy og róði til Danmarkar við báti sínum, Dianu Victoriu. (Hesi orð eru úr grein á dimma.fo)

Tann fyrsta februar í ár kundi Pól Mikkelsen í Klaksvík hátíðarhalda 50 ára starvsdag í Bank Nordik. Samstundis hevði hann sín seinasta arbeiðsdag.

 

- Tá eg hugsi um tað, so hevur tíðin gingið ómetaliga skjótt, tí 50 ár eru ikki 50 dagar, sigur Pól Mikkelsen, sum byrjaði í bankanum í 1972, tá hann var 17 ára gamal.

 

Øll hesi árini hevur Pól Mikkelsen upplivað nógv í bankaheiminum: Samtíðarskattur sá dagsins ljós, tey villu 80ini, kreppuárini í 90unum, talgildi bankin í dag og so framvegis.

Sum revsilógin er í Føroyum dag, er sálarligur harðskapur bara revsiverdur, um hann fer fram saman við øðrum harðskapi.

Men hetta skal broytast, heldur Hervør Pálsdóttir, tingkvinna fyri Tjóðveldi, ið hevur lagt fram uppskot til samtyktar um at kriminalisera sálarligan harðskap.

Seinastu árini hevur Kvinnuhúsið fingið fleiri enn 300 fráboðanir um sálarligan harðskap árliga.

Kanning, sum Lóður gjørdi í 2021, vísti, at 19 prosent av teimum spurdu, hava upplivað okkurt slag av sálarligum harðskapi.

Prát, innsløg og tónleikur.

Rannvá Tórfríð Jørmundsson hevur saman við fleiri felagsskapum skipað fyri einari undirskriftsinnsavnan fyri at banna springaradrápi í Føroyum.

Fólk kring allan heimin hava skrivað undir.

Í gjár handaði hon løgmanni undirskriftirnar.

Spurd, um hon ikki heldur, at hon stingur føroyingar í ryggin, svarar hon nei.

- Eg stingi ongan í ryggin, haldi tvørturímóti, at eg geri føroyingum eina tænastu. Meira enn helvtin av føroyingum vil steðga springaradrápi, sigur Rannvá.

Børn skulu hava greið boð, tá ið tað snýr seg um mørk. Ikki ov nógv orð og langar setningar, men sig greitt, hvat tú, sum foreldur, vil hava.

Eru børn kedd ella óð, so ver har fyri tey og sig, at tú veit, at tað er keðiligt, men gev teg ikki. So fert tú út um tíni mørk, og so hevur tú ikki lært barnið nakað um at seta mørk.

Hetta kunnu vera støður sum, at barnið vil hava bomm, tá ið døgurðatíð er, at barnið vil hyggja longri at sjónvarpi, ella at barnið vil hava okkurt, meðan tit eru til handils, og tú sigur nei.

Næmingar í norðuratlantiska studentaflokkinum ganga fyrsta árið í skúla í Danmark, síðani hálvt ár í Føroyum, í skúlanum á Kambsdali, hálvt ár í íslandi, og triðja árið ganga tey so á miðnámi í Grønlandi. Trý ár við bústaði í fýra ymiskum londum, og so hava næmingarnir, sum koma úr hesum fýra Norðurlondunum, eisini sítt egna móðurmál sum online undirvísing hesi árini.

Tær báðar Femja Poulsen og Angela Djurhuus ganga á 3. ári í norðuratlantiska studentaflokkinum og búgva nú í Grønlandi.

Prát, innsløg og tónleikur.

Tað er trúboðarin, Carsten Fonsdal Mikkelsen, ið hevur skrivað bloggin, sum stendur at lesa á heimasíðuni hjá Trúboðanum.