- Tað er øgiliga sjáldsamt, at ein rithøvundurin, sum bara hevur skrivað tvær skaldsøgur, vinnur ein so stóran prís, sigur Kinna Poulsen, listaummælari.

Hon sipar til virðislønina, ið Niviaq Korneliussen fekk fyri bókina "Blómudalurin", sum snýr seg um sjálvmorð millum ung í Grønlandi. 

Hetta hevur vakt stóran ans úti í heimi, ikki bara virðislønin og bókin, men eisini røðan, Niviaq helt, tá hon fekk virðislønina.

Hon legði dent á, at røðan er til teirra, hon skrivar fyri; ung í Grønlandi.

Fyri stuttum blivu norðurlendsku virðislønirnar handaðar.

Grønlendska Niviaq Korneliussen vann virðisløn fyri barna- og ungdómsbókmentir. Hon er fyrsti grønlendingur, sum hevur vunnið eina norðurlendska virðisløn. Í sambandi við handanina helt hon eina røðu, sum hevur vakt stóran ans.

Hon tosaði um tað, sum hon skrivar um; sjálvmorð millum ung í Grønlandi. 

Mari í Løðuni er uppvaksin í Grønlandi, hevur grønlenska mammu og kennir tí til innanhýsis viðurskifti í landinum.

Kettlingar. Kaninir. Marsvín.

Hetta eru aloftast tey djórini, sum verða funnin úti í náttúruni og ofta illa fyri.

- Vit uppliva viðhvørt, at fólk bara sleppa kelidjóri sínum út í náttúruna, tí tey tíma ikki at hava djórið longur. Tað hendir ikki ofta, men av og á, sigur Diana Krossá Kongsbak frá Djóraverndarfelagnum.

Fyrr í vikuni legði Djóraverndarfelagið mynd út á Facebook. Á myndini vóru tvey marsvín, sum fólk høvdu funnið úti í náttúruni.

Prát, samrøður og tónleikur.

Vit vóru í undirsjóvartunlinum í gjár og hugdu at, meðan asfalt bleiv lagt á vegin, og eisini vóru vit fram við "Stuffin", har tað hevur gingið sera illa at bora í seinastuni, tí so nógv leyst grót ríður undan loftinum.

Ein longri reportasja úr tunlinum, har verklagsleiðarin, Kristian Stórhamar, greiðir frá arbeiðinum.

VIDEO: Rent seg í leyst grót í Sandoyartunlinum

Í gjár vóru nýggj koronutilmæli løgd fram.

Eitt, sum hevur verið nógv tosað um, og sum nú verður sett í gildi, er koronupass. Men hvat nyttar eitt koronupass, tá ið tey, ið eru koppsett bæði eina, tvær og tríggjar ferðir, kunnu fáa koronu og eisini bera smittuna víðari?

Pál Weihe, koronuráðgevi, er í útvarpsstovuni og greiðir frá.

Prát, samrøður og tónleikur.

Luttakarar: Allan Samuelsen, Gunnar Nolsøe, Petur Hans Dahl

Ússaligur og fjálturstungin.

Hesi tvey orðini lýsa væl , hvussu Allan Samuelsen úr Havn hevur havt tað teir seinastu 14 dagarnar.

Herfyri var hann til arbeiðis sum ambulansuviðgerði og eftir at hava koyrt við einum sjúklingi, sum seinni fekk staðfest koronu, fekk Allan Samuelsen eisini koronu.

- Vit skuldu hava stóra veitslu heima, tí dóttirin bleiv 30 ár, men sama kvøld bleiv eg uppringdur við boðunum um, at eg hevði koronu og skuldi á gistingarhús at sita í sóttarhaldi, fortelur Allan Samuelsen.

Desember mánaður nærkast, og tað munnu vera fleiri foreldur, sum hugsa, hvat skal vera í teimum 24 pakkunum í jólakalendarunum til børnini.

Samstundis liggja leikur, sum als ikki verða brúktar longur, í nógvum heimum kring landið. Men hví ikki brúka júst hesar leikurnar til ein jóakalendara?

Hetta eru tankarnir, sum liggja aftan fyri endurnýtslujólakalendaran, sum Katrin Hofgaard Sørensen hevur tikið stig til.

Um vikuskiftið gjørdi hon eina síðu á Facebook, har foreldur kunnu lata og fáa jólakalendarar.