Eg havi altíð vilja sungið, men eg slapp ikki í nakran bólk. Tí stovnaði eg mín egna, sigur Bjørk Sigurdsdóttir Lamhauge, brosandi.

Hon hevur ilt við at seta orð á stílin, sum Brimhvítt umboðar.

- Hetta er ein samanseting av øllum tónleikarunum, ið eru við.

Luttakarar í sendingini: Bjørk Sigurdsdóttir Lamhauge, Marjun Syderbø Kjælnes, Tina Kruse, Magnus Dahl

Prát, samrøður og tónleikur.

Silas Olofson og Jórun Pólsdóttir greiða frá.

Tá ið Eir í Ólavsstovu gekk í miðnámsskúla í Hoydølum, kom hon at kenna listakvinnuna Elina Josefinu Smith. Tær blivu vinkonur, men brádliga ein dagin fekk Elin sálarsjúku. Hon gavst í skúlanum og flutti til Danmarkar. Vinfólkini fingu ongantíð at vita, hvat veruliga hendi.

- Heimildarfilmurin er ein rannsóknarferð aftur í tíð, har vit skulu fáa greiðu á, hvat veruliga hendi Elini, sigur Eir í Ólavsstovu, sum hevur framleitt heimildarfilmin.

Framvegis síggja vit, at menn liva fleiri ár styttri enn kvinnur. Ein orsøk er, at menn ikki eru nóg skjótir til lækna, tá okkurt er áfatt.

Menn verða ikki, eins og kvinnur, innkallaðir. Tí kann tað kennast teimum fremmant at leita sær læknahjálp.

Framvegis kemur tað javnan fyri at konan, og í summum førum mamman, ringir fyri mannin og biður um tíð hjá læknanum.

Umframt at umrøða menn og læknar, svarar Gunnhild Helmsdal, kommunulækni, spurningum frá lurtarum.

Prát, samrøður og tónleikur.

Fyri 10 árum síðani gjørdi Steen Rói Lorenzen eitt veddimál við ein vinmann. Hann veddaði uppá, at hann megnaði at gera eitt hitt. Síðani spurdi hann Ragnar Davidsen, um hann vildi vera við, og hann játtaði. Eftir tað kom lagið "Gentan er farlig" út, og Steen Rói vann veddimálið. Síðani tá hevur Swangah givið út tríggjar útgávur og fleiri stakløg, sum hava verið væl umtókt. 20. novembur fara teir at hátíðarhalda hetta við eini stórari føðingardagskonsert í sjónleikarhúsinum.

- Eg hugsaði, hvat eg kundi gera, fyri at gera ein mun og onkursvegna hjálpa.

Soleiðis sigur Sirið Eilersdóttir um hugskotið at savna inn pengar til Sjúklingahotellið í Keypmannahavn. Á Sjúklingahotellinum kunnu føroyingar búgva, tá teir og teirra avvarandi eru í Danmark í sjúkraørindum.

- Eg var herfyri stødd á Sjúklingahotellinum sum fylgjari í tríggjar vikur, og tá upplivdi eg uppihaldið sum ótrúliga gott. Eg hevði tað í allar mátar gott og livdi faktisk sum ein greivi, fortelur Sirið Eilersdóttir, sum fegin vildi vísa sítt takksemi á onkran hátt.

Luttakarar í sendingini hesaferð eru Sirið Eilersdóttir, Eyðbjartur Sólheyg Skaalum, Súsanna Eliasen, Pál weihe, Bogi Krossteig, Jógvan Fríðriksson.