Høgni Kragesteen hevur skrivað sangir í eini 20 ár. Á útgávuni Blív er tað savnað, sum hevur hildið móti tíðarinnar tonn.

Tónleikarin tók upp samstarv við Mikael Blak, sum hevur lagt tilfarið til rættis.

Í vikuni hevur verið nógv fokus í Danmark á kjøtetandi bakteriur. Ein sera álvarslig infektión, sum, um hon ikki verður viðgjørd tíðliga í sjúkutilgongdini, kann føra til deyða.

- Hetta er ein vanlig bakteria, sum vit eisini hava í Føroyum, og annað til triðja hvørt ár viðgera vit sjúkling, sum er smittaður við kjøtetandi bakteriu, sigur Shahin Gaini, infektiónsmedisinari.

Talan er um eina sera sjálvsama men álvarsliga infektión.

- Sjúklingurin má í viðgerð alt fyri eitt, tí smittan spreiðir seg sera skjótt í kroppinum, sigur Shahin Gaini.

Prát, samrøður og tónleikur.

Prát, samrøður og tónleikur.

- Ætlanin er at seta fimm rógvimaskinur upp í ymsu eindunum, har Psykiatriski depilin húsast, soleiðis at starvsfólk, vitjandi, innløgd og avvarandi í felag kunnu røkka málinum á 65 km, sum er teinurin úr Havn til Tvøroyrar, sigur Kerstin Laksáfoss, sjúkrarøktarfrøðingur og dygdarmennari á Psykiatriska deplinum.

Ein tílík verkætlan er savnandi, tí øll kunnu vera við á onkran hátt. Summi orka at rógva langt, onnur stutt, summi orka als ikki at rógva men kunnu leggja øðrum lag á, og fyri summi er tað nóg mikið bara at vera við í prátinum, leggur hon afturat.

- Kanningar vísa, at bara við at vera úti í náttúruni í 20 minuttir, kunnu vit máta hvussu hjartarútman og blóðtrýstið fara niður, og strongdhormonið, kortisol, í blóðinum lækkar. Okkara nervaskipan verður sissað og tað verður lættari at finna ró í sær sjálvum. Náttúran setur ongi krøv og ger at okkara uppmerksemi kann hvíla. Tað siga Róa Midjord, kliniskur gestalt psykoterapeutur, og Jensia Brodersen, ið hevur lisið gestaltterapi.

Umleið 40 føroyingar lata blóð hvørja viku á teimum trimum sjúkrahúsunum, og hetta blóð verður bæði nýtt, tá vanlukkur henda, tá skurðviðgerðir krevja blóð og tá ymsar sjúkur hava við sær, at sjúklingar mugu hava nýtt blóð, greiðir Joan M. Petersen, deildarbioanalytikari í blóðbankanum, frá.

Riggar koppsentingin?

Hví fáa koppsett fólk koronu?

Hvat hjálpir ein koppseting, tá ið man fær korona alíkavæl?

Tað verður sagt, at hetta er eitt mRNA koppingarevni. Hvat er tað fyri nakað?

Eg kenni ikki langtíðar hjáárini av koppsetingini, tí lati eg meg ikki koppseta. Er tað eitt skilagott argument?

Tað verður sagt, at koronukoppseting oyðileggur førleikan hjá bæði kvinnum og monnum at fáa børn. Er tað rætt?

Kvinnur, ið eru við barn, missa fostrið av koppsentingini. Passar tað?

Prát, samrøður og tónleikur.

- Eg vildi ynskt, at eg kundi sagt, at tað, sum ummælarar siga og skriva, als ikki hevur týdning fyri meg, men eg má viðganga, at tað hevur tað onkursvegna. Og eg eri sera glað beint nú.

Orðini eigur Helena Heinesen Rebensdorff, sum leygarkvøldið hevði konsert í Musikhuset í Århus, har Spotfestivalurin er.

Konsertin, sum vardi í góðar 30 minuttir, gekk sera væl. So mikið væl, at ummælarin hjá Soundvenue hevur givið Brimheim seks út av seks møguligum stjørnum. Eisini Gaffa letur sera væl at konsertini og gevur fimm stjørnur.