Prát, samrøður og tónleikur.

- Vit eru menn. Vit avdúka ikki okkara veikleikar.

Soleiðis heldur Knút Grey skemtiliga fyri, tá hann verður spurdur, um tað eisini verður tosað um kenslur, tá hann og aðrir menn hittast í eyðkenda, reyða skótahúsinum niðan fyri Viðarlundina í Havn.

Hvørja viku hittast teir til kaffiprát, har tosað verður um Havnina, fótbólt og onkra hendinga ferð politikk.

- Tað hevur stóran týdning fyri okkum, at vit kunnu møtast á henda hátt, og vit eru allir sera væl. Ja, vit eru sum brøður, sigur Knút Grey.

Tann 19. september í ár vann 23 ára gamla Elisabet Vang eina serstaka fitness kapping í Noregi.

Umframt at vinna fyrsta plássið kann Elisabet Vang nú kalla seg fyri ein pro atlet.

Hetta merkir í stuttum, at hon kann kappast í útlondum saman við øðrum íðkarum, har stigið er hægri, enn tað hevur verið til kappingarnar, sum Elisabet Vang higartil hevur kappast í.

Longri samrøða við Elisabet kann hoyrast HER

Tað finnast ongi hagtøl fyri skarv og svartfugl í Føroyum, men Føroya Náttúruverndarfelag og Útoyggjafelagið meta, at stovnarnir eru illa fyri.

- Fyrr var nógvur skarvur at síggja her í Stóru Dímun, men í dag er so at siga ongin fuglur at síggja, sigur Óla Jákup úr Dímun.

Hann heldur, at teir skarvar, ið eru eftir, skulu verjast, og at tíðin er komin til at lata allan svartfugl fáa frið, til stovnarnir koma fyri seg aftur.

Skarvur er viðkvæmur fuglur, tí hann er tamur, heldur seinur og sostatt lættur at skjóta.

Prát, samrøður og tónleikur.

Ein reyður blettur á alboganum.

Soleiðis byrjaði tað, tá 25 ára gamla Marianna Holm Jacobsen fyri fimm árum síðani fekk kjøtetandi bakteriuna, nekrotiserandi fasciitis.

- Eg legði merki til henda blettin á alboganum og hevði eitt sindur ilt, men eg sovnaði so. Tá eg vaknaði aftur hevði eg eina ekstrema pínu og mátti fáa mammu at koma upp á kamarið at hjálpa mær, sigur Marianna Holm Jacobsen.

Marianna Holm Jacobsen tosaði við kommunulæknan og kom á Landssjúkrahúsið. Og til alla lukku bleiv borið skjótt at.

Í Føroyum hava verið staðfestar tríggjar víkingagravir, á Sandi, í Hvalba og í Tjørnuvík. Nú hevur Ann Sølvia Selmarsdóttir Purkhús, fornfrøðingur, út frá tilfarið og upplýsingum, sum er tøkar á Tjóðsavninum, staðfest, at tað eru funnar átta víkingagravir í Føroyum. Umfram tær nevndu tríggjar, eru eisini funnar víkingagravir á Kirkju, Svínoy, Sandavági, Velbastað og í Hovi. 

Hoyr Ann Sølviu greiða frá um fornan útgrevstur og víkingagravir í Føroyum. 

Myndirnar er frá víkingaútgrevstrinum í Tjørnuvík í fimtiárunum. Føroya Fornminnasavn eigur myndirnar.

Prát, samrøður og tónleikur

Prát, samrøður og tónleikur.