.

Fyri 20 árum síðani var Anne Karin Kjeld við til at seta Felagið fyri lesi- og skriviveik á stovn. Hon bleiv tá fyrsta forkvinna í felagnum. Tað er hon framvegis.

Tær fimm mammurnar at børnum, sum høvdu avbjóðingar við lesing og skriving, ásannaðu, at eingi skipað tilboð vóru til børnini. Hetta var spírin til Lesafelagið.

Prát, samrøður og tónleikur.

- Tarvurin var ein blanding millum eitt danskt og eitt norskt neytaslag, sigur Sigtór Thorvaldsson Lützen, bóndi í Syðradali.

Tey donsku neytini eru høg og ikki so kraftmikil, meðan tey norsku eru kraftmikil og ikki so stór

- Hesin tarvurin hevði fingið tað høga frá tí danska og tað kraftiga frá tí norska slagnum, sigur Sigtór.

Tarvurin vigaði 1402 pund og úrtøkan var góð 360 kg av kjøti.

Lurta eftir samrøðuni við Sigtór í morgunsendingini.

Her eru nakrar myndir av tarvinum:

Ymiskir gestir

Síðani 1. mai í ár hevur Magnstøðin við Ringvegin í Havn havt opið um náttina.

Men hvør kemur inn í eina bensinstøð um náttina, og hvat keypa tey á miðjaru nátt?

Tað hevur morgunsendingin kannað.

Bløðini skrivaðu um óvanligu lagnuna hjá Jóa Póli, sum á ungum árum var fergumaður í Havn, men seinni fór út í heim at sigla og ofta var har, sum harðast leikaði á, tá heimurin stóð í einum eldi av kríggi og orrustu. Tá hann í millumbilum var heima, sást tann fryntligi havnarmaðurin ofta millum lossingarmenn á kaiini í Havn.

Pól hjá Jóa var bæði ein staðbundin havnarmaður og ein fjakkandi heimsborgari, sum lættliga fann seg til rættis úti sum heima. Á hendan hátt umboðaði hann sjáldsama blandið av heimføðingi og heimsborgara, sum býr í mongum føroyskum sjómanni.

Tað kunnu vera nógvar ymiskar orsøkir til, at fólk hava hug at fremja eitt karrieruskifti, sigur Maiken Skarðenni, vegleiðari á Vegleiðingarstovuni.

Summi kenna á sær, at uppgávan er loyst, og at tey tí skulu víðari. Onnur hava bara hug at royna okkurt annað.

Royndirnar vísa, at tað er eitt gott hugskot at tosa við ein vegleiðara áðrenn. Sannlíkindini fyri, at nýggja starvsleiðin er væleydnað, eru størri tá.

Skilagott er at tryggja sær, at baklandið eisini tekur undir við skiftinum, leggur Maiken Skarðenni aftrat.

- Ætlanin er, at sjálvboðin kunnu bóka sær súkkluna inni í einari bókingarskipan og síðan fara ein túr við einum av íbúgvunum á røktarheimunum í Havnini, sigur Marjun Poulsen, ið er samskipari í heilsu- og umsorganartænastuni hjá Tórshavnar kommunu.

Talan er um eina tríhjólaða súkklu, ið havur ein kassa framman, har pláss er fyri tveimum fólkum, ið sita væl ballað við góðum útsýni, meðan piloturin situr aftanfyri og stýrir.

Prát, samrøður og tónleikur.