Rovarin Perseverance, sum koyrir uppi á gongustjørnuni, Mars, hevur tikið kjarnuroyndir úr einum steini.

- Fyrsta royndin riggaði ikki, tí grótið morlaðist, men onnur kjarnuboringin riggaði væl, sigur Kathryn Stack, toymisleiðari fyri NASA Perseverance rannsóknarferðina.

Borikjarnurnar eru koyrdar í og innilokaðar í eini jarndós umborð á rovaranum.

- Vit hava møguleika at goyma 38 borikjarnur, og eftir ætlan verða tær heintaðar og førdar til jørðina, til nágreinligari kanningar um nøkur ár, sigur Kathryn.

Júst nú er ein stuttur kunningarfilmur um CP at síggja á fleiri sosialum miðlum og á Youtube. CP er ein stytting fyri Cerebrala Paresu og var fyrr kallað spastiskt lammilsi.

Tað er felagið CP Føroyar, sum hevur tikið stig til at gera henda filmin, soleiðis at fleiri fólk verða upplýst um, hvat Cerebral Parasa er.

- Vit vilja kunna fólk um, hvat CP er, sigur Katrin Jacobæus, forkvinna í CP Føroyum.

Vit hava hitt lívfrøðingin og granskaran Johan Castenschiold og Janus Hansen, fuglafrøðing á Tjóðsavninum, til eitt prát um royndirnar at telja fugl við dronu.

Upptøkur frá fuglateljingini við dronu síggjast HER

Gestir hesa ferð: Kathryn Stack, Torben Nielsen, Meiken Gaard, Elisabeth Holm, Katrin Jacobæus, Malan Zachariassen, Johan Castenschiold og Janus Hansen.

Hvussu undirvísir tú í føroyskum sum fremmandamál?

Tað er ein spurningur, sum 31 studentar seta sær í hesum døgum, tí tey eru farin undir diplomútbúgving í føroyskum sum annaðmál.

- Ein avbjóðing er, at alt er ikki á føroyskum, tí vit eru tví- ella fleirmælt. Tað siga Elisabeth Holm og Meiken Gaard.

Elisabeth var í fyrireikingarbólkinum, og Meiken Gaard undirvísir vaksnum í føroyskum sum annaðmál og tekur útbúgvingina.

Longri samrøða við lívfrøðingin og granskaran Johan Castenschiold og Janus Hansen, fuglafrøðing á Tjóðsavninum, um fuglateljing við dronu, er at hoyra HER

- Hetta er sum eitt vanligt forkølilsi beint nú.

Soleiðis sigur Marnar Fríðheim Kristiansen, lækni og granskari, sum hevur fingið staðfest koronu.

Í drúgva tíð hevur Marnar Fríðheim Kristiansen javnan verið í fjølmiðlunum og greitt frá koronu og um týdningin av, at fólk lata seg koppseta. Men hóast koppsettur, so hevur korona nú rakt hann.

- At eg havi fingið koronu, merkir als ikki, at eg ikki fái gagn av koppsetingini, tí hóast eg eri blivin smittaður, so blívi eg ikki álvarsliga sjúkur. Og tað er koppsetingini at takka, heldur Marnar Fríðheim Kristiansen fyri.

Túrurin út undir Trælanípuna var hin triðji av hesum slag, sum Krabbameinsfelagið skipar fyri, og veðrið var av tí allar fagrasta, tá tær 10 kvinnurnar fóru til gongu.

Sjálvt um fleiri teirra ikki kendust, áðrenn farið varð avstað, so gekk prátið lystiliga, og meira enn einaferð vóru evni havd á lofti, sum fleiri teirra kendu aftur frá teirra egnu sjúkugongd. Tó so, har var tosað um nógv annað enn sjúku, og bara tað at vera úti og í góðum selskapi var tað, ið lokkaði fleiri av kvinnunum við henda dagin.

Prát, samrøður og tónleikur.

- Varðin er vakur, men eg haldi at tað er ein óskikkur runt allar Føroyar at laða nýggjar varðar. Teir eru meira villleiðandi enn vegleiðandi, sigur Pól Sundsskarð.

Ein góður gamal flottur varði. Mynd: Pól Sundsskarð