Gestir hesaferð:

Petur Hans Dahl

Bogi og Inga Thomsen

Bjørg Danielsen

Jan Jensen

Morgunsendingin fríggjadagin, 11. september

Ein sjokkbylgja fór um alt fótbóltsevropa, tá tað frættist, at føroyingar høvdu vunnið á Eysturríki 1-0.

Í Føroyum minnast vit hendan dagin, sum ein av størstu veitslunum, vit nakrantíð hava hildið.

Vit hava kagað í kringvarpssavnið og funnið ljóðbrot frá døgunum 12. og 13. september í 1990.

683 børn vórðu fødd í Føroyum í 2019 - 343 dreingir og 340 gentur.

Nakrar umsóknir vóru eisini um nýggj nøvn, sum allar vórðu gingnar á møti. Flest umsóknir vóru um bíbilsk nøvn úr Gamla testamenti og annars um stavseting í sambandi við uppkalling.

Hoyr Annfinn Johansen, formann í Navnanevndini greiða frá.

Tey flestu munnu seta Holgar Jacobsen í samband við tónleik. Hann er kendur úr Holgar og villmonnum, Tinganest og hevur givið nógv út á egnum beinum.

Hann dugir tó annað enn at fáast við tónleik. Fyri stuttum legði hann seinastu hond á ein snotiligan, fjarstýrdan modellbát.

Pápi mín gjørdi fleiri modellskip. Eg plagdi at fylgja væl við tá, men so bleiv eg vaksin, sigur Holgar Jacobsen, brosandi.

- Hví kunnu vit ikki uppkalla gøtur í Havnini eftir vanligum havnafólkum, sum á ein ella annan hátt hava gjørt vart við seg?

Tað heldur Ronnie Thomassen, ið harmast um, at tað í stóran mun eru politikarar og mentafólk, ið fáa gøtunøvn uppkallað eftir sær.

Gestir hesaferð:

Ronnie Thomassen

Amalia Danielsen

Jóhannes Miðskarð

Tað er sera vanligt, at fólk leita sær til kommunulækna, tí tey merkja svimbul.

- Tíbetur er tað sjáldan eitt tekin um nakað álvarsamt, og hjá teimum flestu hvørvur tað innan stutta tíð, sigur Amalia Danielsen, kommunulækni, sum leggur dent á, at fólk ikki skulu blíva bangin, um tey av og á kenna okkurt svimbul.

- Tað eru nógvar ymiskar orsøkir til svimbul, men í flestu førum er tað ikki tekin um álvarsliga sjúku, sigur Amalia Danielsen.

Í stuttum er uppskriftin, at ein granskari frá Námsvísindadeildini á Fróðskaparsetur Føroya og tríggir dagstovnar stovna eitt Professionelt Námsfrøðiligt Netverk. Frá hvørjum dagstovni luttaka ein leiðari og tveir námsfrøðingar.

Netverkið er avmarkað í tíð. Tey møtast fýra ferðir tríggjar tímar hvørja ferð; hvørja ferð er ein skrá, ið skal facilitera at í seinasta enda verða námsfrøðiligar broytingar framdar í dagstovnunum.

Vága kommuna er saman við IRF farin undir eina verkætlan, ið snýr seg um at gera matleivdir til mold.

Fyrr í summar fingu borgarar í Vága kommunu høvi at ogna sær spannir og ger og harvið gera sítt egna sankutøð.

Ein teirra er Emmy Sandberg Joensen, sum býr ið Miðvági.