Morgunsendingin, týsdagin 22. september

Gestir hesaferð:

Oda Wilhemsdóttir Andreasen

Sveinur Tróndarson

Kristina Samuelsen

Gitte Klein

Jógvan í Skorini

Tað finnast fleiri sløg av harðskapi í parløgum. Eitt av teimum er fíggjarligur harðskapur.

Hagtøl frá Kvinnuhúsinum í Havn vísa, at flestu fráboðanirnar higartil í ár snúgva seg um fíggjarligan harðskap.

Tað er serliga eftir fyrstu bylgju av koronu og eisini í august mánaði, at talið á fráboðanum vaks.

Morgunsendingin, mánadagin 21. september

Gestir hesaferð:

Petur Hans Dahl

Ann-Britt Fríðheim Mortensen

Sigrun Mohr

Gestir hesaferð:

Sanna á Lava

Rut Mohr Olsen

Símun Christian Olsen

Absalon Eysturoy

Ingi Sørensen

Atli Justinussen

Tá børn hava svølgt eitthvørt, tey ikki skulu, er umráðandi, at foreldur skjótast gjørligt finna útav, hvat eiturevni talan er um.

- Jú meira vit vita um tað, sum barnið hevur fingið í seg, jú lættari og skjótasri er tað hjá okkum at veita neyðugu hjálpina, sigur Absalon Eysturoy, barnalækni á Landssjúkrahúsinum.

Hóast tað ikki hendir ofta, so er tað ikki óvanligt, at børn blíva innløgd, tí tey hava fingið okkurt slag av eiturevni í seg.

- Vit hugsaðu bæði, meðan hann lá í respiratori, at vit vóru takksom fyri at hava átt hann í seks ár, men skundaðu okkum at skúgva tankarnar burtur aftur.

Soleiðis greiðir Rut Mohr Olsen, mamma at øðrum dronginum millum annað frá.

Tað var 16. august, at hendingin fór fram. Dreingirnir vóru úti og spældu, tá teir komu fram á eina sodavatnsfløsku, sum lá ímillum tvey hús, ið teir drukku av. 

Annar drongurin byrjaði at spýggja, meðan hin drongurin bleiv alsamt verri fyri. 

Hoyr foreldrini greiða frá.

Gestir hesaferð:

Anja V. Kvilt

Signar Petersen

Christina Ravnsfjall

Elin Lindenskov

Flestu bilførarar hava roynt tað: Tú koyrir 80 km/t og heldur teg hava yvirlit yvir støðuna, og so brádliga loypur seyður inn á vegin. Viðhvørt megnar tú akkurát at koma framvið uttan at gera skaða á teg ella onnur, men viðhvørt endar tað við at seyðurin verður ákoyrdur. Tá kann tað vera, at seyðurin kemur so illa fyri, at hann noyðist at verða avlívaður. Hvørji ráð eru tá at taka til?

Fótbóltur kann spælast aðrastaðni enn á vøllinum.

Ein á, ein fjallatoppur ella eitt fjós kunnu eisini brúkast.

Tað er bara hugflogið, ið setir markið.

Chrsitina Ravnsfjall, grasrótarsamskipari hjá Fótbóltsambandi Føroya, sigur, at nógv dømi eru um kreativar loysnir, sum fólk hava funnið undanfarin ár.

Frá mánadegnum 21. til mikudagin 30. september verða árligu grasrótardagarnir hjá UEFA hildnir í Føroyum og øllum Evropa

Øll kunnu vera við. Tað einasta, ið krevst, er at skipað verður fyri onkrum slagi av fótbóltsspæli.

Tann 30. september byrjar enn eitt umfar av donsku sjónvarpsrøðini Nybyggerne á TV2.

Raðsendingin snýr seg í stuttum um, at fýra pør skulu dystast um at partvís byggja og innrætta eini hús upp á tveir mánaðir. Parið, sum vinnur, fær húsini, ið eru umleið 2, 6 milliónir verd.

Mánadagin kunngjørdi TV2, hvørji tey fýra pørini eru, sum luttaka hesaferð, og millum teirra eru Sunnvá Dahl Rasmussen og Martin Høgfeldt Olsen úr Havn.