Ein av útlendsku seglbátunum, sum hava vitjað í Føroyum í summar, er Máirín úr Dublin. Teir eru tveir mans við, Leszek Wolnik og Eugene Langan, og teir sigldu beinleiðis úr írska høvuðsstaðnum til Føroya.

 

Meðan teir hava verið í Føroyum, hava teir vitjað í fleiri støðum í landinum. Í Kunoy høvdu teir eina serliga uppliving, sum Leszek greiðir frá í samrøðuni við Góðan morgun Føroyar.

Morgunsendingin, mánadagin 10. august

Nú so nógv fólk hava fingið koronu og uppaftur nógv fleiri fara í sóttarhald, er Grannahjálp aftur til reiðar at hjálpa teimum, ið tørva smærri tænastur.

Seksæringurin Norðlýsið hevur øll 127 árini havt heimstað í Sandvík. Í mong ár hevur hann staðið í neystinum, men nú er hann settur í góðan stand, so nýggj ættarlið kunnu fáa gleði av honum.

Hesar seinastu níggju mánaðirnar hevur Norðlýsið staðið á Tvøroyri, har Johan Olsen, bátabyggjari, hevur høvuðsumvælt hann. Og formaðurin í Fornminnisfelagnum í Hvalba, Manne Næs, segði í samrøðu við Góðan morgun Føroyar, at ætlanin er at flota bátin aftur í komandi viku.

Eileen Sandá, sum arbeiðir á Kunningarstovuni í Vági, sigur, at tey merktu beinanvegin í koronutíðini, at nógvir føroyingar vóru áhugaðir at koma til Suðuroyar; ikki bara um vikuskiftið, sum vanligt hevur verið, men eisini mitt í viku.

– Føroyingar koma higar fyri at hugna sær og teir leggja nógv meira pengar eftir sær í oynni enn útlendingar vanliga gera, sigur Teresa Turidardóttir Kreutzmann, sum hevur arbeitt við menningaræltan fyri ferðavinnuna í Suðuroynni og rekur kafé á Tvøroyri og hotel í Vági.

Petur Jákupsson á Strondum helt tað vera alt ov ópraktiskt at fara í og úr buksunum til føroysku klæðini, og ikki fyri at tala um tá hann skuldi kasta sær á vatninum. Tí leitaði hann eftir seymikonu, sum kundi seyma einar buksur við splittu og til reim og við rúmligum lumma. Tað var Joan Hentze Jørgensen á Argjum, sum hevur seymistovuna Dreymar.

Petur er sera væl nøgdur við nýggju buksurnar, sum hann var í á ólavsøku í ár. Í Góðan morgun Føroyum í morgun var samrøðu við Petur og Joan um buksurnar og samrøðuna er her.

Tekniskt stendur Jákup Sverri einki aftanfyri øll skip sum verða bygd úti í heimi, sigur stjórin á Eltalvuvirkinum.

Hoyr samrøðurnar við Eyðun Hansen, Hans Kristian Eyðunsson Hansen og Ragnar Borðoy her.

Millum 70 og 90 fólk hava dagliga arbeitt umborð á Jákup Sverra síðani skrokkurin kom á Skála úr Litava í september í fjør.

Hoyr samrøðuna við Mest-stjóran her.

Dorthea Joensen, bóndi á Signabø, og 84 ára gamla fastir hennara, Oda Johannesen, sum er uppvaksin á Signabøgarði, greiddu í Morgunsendingini í morgun frá søguni á Signabø og túrum, sum ferðafólk og føroyingar hava møguleika at uppliva her. Hoyr innslagið her.

Hjúnini Elin og Martin Mikkelsen vóna at sleppa í gongd at byggja sethúsini á grundstykkið í Kunoy fyrst í september. Tey búseta seg í Kunoy, hóast hann er uppvaksin í Ánunum og hon er úr Noregi. Martin sigur, at honum hevur altíð dámt væl í Kunoy og afturat tí er eitt grundstykki í Kunoy væl bíligari enn í Klaksvík.