Tríggir bøndur á Viðareiði, Esmar Sørensen, Niels Absalonsen og Rói Absalonsen, hava bygt eitt stórt og nýmótans leysgongufjós, har 110 mjólkikýr nú eru. Pláss er fyri 130 kúm og tað er málið í framtíðini.

 

Esmar Sørensen sigur, at tað hevur tikið sjey ár at koma so langt. Tað hevur verið møðsamt, men tað hevur verið tað vert.

 

Sum er hava teir ov lítið av stráfóðri og tí verður nú farið undir at velta meira bø, umframt at teir nú sláa tvær ferðir. Tað hjálpir væl at bøurin nú er vetrarfriðaður, sigur Esmar Sørensen.

Nú korona-smittan er uttan um okkum, fingu býlingar í Tórshavnar Kommunu ein fíggjarligan styrk at skipa fyri egnari ólavsøku fyri at halda fólkið mest møguligt á økinum.

Í býlinginum Inni á Gøtu í Hoyvík gjørdu tey nógv burtur úr á fótbóltsvøllinum í býlinginum, har tjald var sett upp og ymisk tiltøk vóru á skránni ólavsøkudag.

-Undirtøkan var nógv betri enn vit høvdu droymt um og vit eru sera væl nøgd, sigur Lis Mortensen, sum er nevndarlimur í Eigarafelagnum Inni á Gøtu.

Jørmund Olsen, formaður fyri reinhaldinum hjá Tórshavnar kommunu undrast yvir, hvussu nógv fólk hevur verið í býnum í gjárkvøldið og í nátt, tí myndugleikarnir hava havt síni tilmæli í sambandi við korona-smittuna, sigur hann í samrøðu við morgunsendingina í Útvarpinum.

Allan Clementsen, sum koyrir ein av teimum stóru sópingarbilunum hjá kommununi, sigur, at hóast nógv fólk eru í býnum tá teir byrja at rudda um morgunin, eru fólk blíð og hampilig og flyta seg fyri amboðunum hjá kommununi.

Hoyr samrøðuna, sum Tórður Mikkelsen gjørdi við bóndahjúnini Evu úr Dímun og Jógvan Jón Petersen í Góðan morgun Føroyum í morgun.

Múrar, sum hava staðið í langa tíð, megnaðu ikki at standa ímóti veðrinum, ið herjaði um oyggjarnar skotársdag í ár. Fólkini í Stóru Dímun kundu ikki gera annað enn at hyggja at og brynja seg við toli til óveðrið var av, og tey hava brúkt stóran part av várinum og sumrinum at bøta um skaðarnar, ið stóðust.

Tórður Mikkelsen tosar við Jógvan Jón Petersen og Evu úr Dímun

Tey ungu lurta ikki eftir beinleiðis útvarpi, og tey hyggja ikki at beinleiðis sjónvarpi, sigst, og tí fer Kringvarpið undir eina verkætlan, ið skal framleiða tilfar til ung, sum skal gevast teimum, har tey ferðast.

Barbara í Stórustovu og Maria Winther Olsen arbeiða í hesi løtu við at fáa karmar og útgerð upp á pláss, so ungu fjølmiðlaspírarnir kunnu fara í gongd í heyst.

Hevur tú hug til at vera við, ber til at søkja her.

Morgunsendingin, hósdagin 23. juli

Í 30 ár hava viðhaldsfólk hjá Liverpool bíðað eftir meistaraheitinum. Í ár eydnaðist tað, og tað ætlar áhugafelagið Liverpool Føroyar at hátíðarhalda. Vegna núverandi tilmæli, er veitslan fyribils útsett.

John Dam og Janus úr Dímun frá Liverpool Føroyar vitjaðu morgunsendingina og greiddu frá.

Í gjár hoyrdist, at svínoyingar stóðu eftir á kaiini í Hvannasundi og sluppu ikki heim, tí so nógv ferðafólk vóru umborð á Rituni. Í eini roynd at bøta um støðuna fara Strandfaraskip Landsins undir eina nýggja skipan.

Hoyr Marina Gaardlykke, ferðslusamskipara hjá Strandfaraskipum Landsins, greiða frá.

Morgunsendingin, mikudagin 22. juli