- Eldsálirnar eru nógvar í Føroyum. Tey eru øll gullverd og hava øll uppiborið at verða heiðrað.

Tað sigur Rói Poulsen, formaður í Føroya Ungdómsráð.

Tvær av ársins eldsálum vitjaðu í morgunsendingini í morgun saman við Føroya Ungdómsráð.

Tað, sum millum annað gevur sjálvbodnum áræði at halda fram, er at tey síggja, at tað tey gera, munar. 

Tað siga ársins eldsálir, Áslakkur Heinesen og Alisa Hammer. 

Hoyr tey greiða frá.

Morgunsendingin, týsdagin 14. juli

Morgunsendingin, mánadagin 13. juli

Morgunsendingin, fríggjadagin 10. juli

- Alt bendir á, at dátutrygdin hjá TikTok ikki er í lagið, so tað verður spennandi at síggja, hvat kanningarnar koma fram til.

Tað sigur Jákup Justinussen, sum er útbúgvin í sosialum miðlum og sum til dagliga starvast innan økið.

Danska dátueftirlitið er farið undir at kanna TikTok, samstundis sum onnur lond hava bannað ella umhugsa at banna appini.

Hoyr Jákup Justinussen greiða frá um TikTok.

Føroya Lærarafelag vísir á, at sálarliga arbeiðsumhvørvið hjá lærarum ikki er nóg væl skipað, í mun til tey krøvini ið verða løgd aftrat ár eftir ár. Fleiri og fleiri lærarar hokna undir tyngjandi sálarligum arbeiðsumstøðum og verða sjúkrameldaðir.

Jacob Eli S. Olsen er formaður Føroya Lærarafelags:

- Ein leið fram er at hava greiðar mannagongdir soleiðis, at mann kann veita røttu hjálpina at koma fyri seg aftur. Tíverri hava vit ikki tær mannagongdirnar í dag, men tað er nakað vit arbeiða við, sigur Jacob Eli.

Morgunsendingin, fríggjadagin 9. juli

Í samband við bókina 'Føroysk mineral og grótsløg', sóknast Jarðfeingi eftir nærmyndum av tinnum, krystallum og áhugaverdum gróti. Tey heita á almenningin um at senda teimum myndir. Áhugaverdasta myndin fær virðisløn upp á 5.000 kr.

Treytir:

Myndatakari varðveitir ognarrætt yvir innsendar myndir.

Biofeedback er ein øðrvísi viðgerðarháttur, ið nýtir eitt elektromagnetiskt tól, sum sendir natúrligar frekvensir, ið kunnu samskifta við kyknur í kroppinum. Tólið kann máta likamligar veikleikar, ella um nakað er í ójavnvág í kroppinum. Við einari afturboðanarskipan, boðar tólið frá, hvar ójavnvágin í kroppinum er. Við vandaleysum frekvensum kann tólið fara inn og rætta uppá hesar skeivleikar. T.d. hevur tólið sera góða ávirkan í samband við roykisteðg, svøvnólag, viðgerð fyri ójavnvág í nervaleiðum og vøddum, íttróttarskaðar o.s.fr.

Morgunsendingin, mikudagin 8. juli