Morgunsendingin, týsdagin 7. juli

Morgunsendingin, mánadagin 6. juli

50 ár eru liðin, síðani The Beatles doyði.

20 ár eru liðin, síðani Suni Merkistein og Pauli Magnussen gjørdu sendingarnar um tónleikabólkin.

Tí var upplagt at endursenda Beatles-sendirøðina, sum teir báðir gjørdu um aldarskiftið.

Í annaðkvøld og komandi átta leygarkvøld verður ein tími við The Beatles í útvarpinum.

Suni Merkistein vitjaði morgunsendingina at tosa um sendingarnar.

Hann tosar millum annað um ferðina til Liverpool, har teir náddu at taka upp í Strawberry Fields, áðrenn ein kvinna bað teir skrubba av og ringdi eftir løgregluni.

Framsýningin hjá Tórshavnar Býarsavni er gjørd í sambandi við, at tað í ár eru 75 ár síðan seinni heimsbardagi endaði. Bretska hersetingin í Føroyum, nevnd Operation Valentine, var frá 12. apríl 1940 til 16. mai. 1945.

Hersetingin hevði stóra ávirkan, bæði politiskt, fíggjarliga og mentanarliga. Tíðin var merkt av álvara og gaman. Nógvir mans lótu lív á sjónum og í vanlukkum, og óttin um, hvat fyrifórst úti í heimi, var stórur. Tíðin var tó eisini merkt av stuttleika og vinaløgum við bretar.

Morgunsendingin, fríggjadagin 3. juli

Stendur tú og manglar eina gularót. Ella eitt egg. Ella okkurt súltutoy.

So kanst tú sjálvandi fara í handilin og keypa vøruna.

Tú kanst eisini keypa føroyskt, og fara inn á matkovin.fo og leita eftir tí, tú skalt hava. Trýst til dømis egg, og kanska eisini økið, har tú býrt, so kann vera, at ein høsnabóndi poppar upp.

Sunniva Gudmundsdóttir Mortensen, fólkalívsfrøðingur, hevur tikið stig til heimasíðuna, tí hon kundi síggja, at har var tørvur á einum millumliði millum matframleiðaran og kundan í Føroyum.

Ert tú virkin á Instagram, hevur tú helst lagt til merkis ein nýggja brúkara, ið nevnist "InfluencerFo". Brúkarin er eitt slag av býtisbarni, har fleiri brúkarar skiftast um at hava brúkaran um hendi. Stovnarin er Bjørga Sivertsen, ið ynskir at hjálpa føroyingum, sum ynskja at gerast ávirkarar. 

Ein sokallaður ávirkari er ein, sum ígjøgnum sosialar miðlar roynir at ávirka onnur til eitt og hvørt. Talan er ofta um, at viðkomandi lýsir vørur fyri fyritøkur, og fær síðani vøruna ella pening afturyfyri.

Olga Biskopstø hevur verið við til at gera kanningar um happing og trivnað í føroyska fólkaskúlanum. Síðsta kanningin vísti, at tað gongur rætta vegin - tvs. at færri kenna seg happað enn undanfarin ár. Feskasta kanningin vísir, at tað í dag eru 11%, sum kenna seg happað. Talið er enn ov høgt, heldur Olga Biskopstø, samfelagsfrøðingur.

Umframt at varpa ljós á happing, hvørji onnur atlit skulu vit so taka?

Morgunsendingin, hósdagin 2. juli

SWAY er ein føroysk jazz-trio, sum syngur sangir úr 30'unum-50'unum. Teirra eyðkenni er svingandi, lívligir tónar, og tað var eisini tað, tær frískaðu hósmorgunin upp við í morgun. 

Tað er áleið ein mánaður síðani, tær fyrstu ferð løgdu filmsbrot út á Instagram. Síðani tá, hevur tað gingið við rúkandi ferð. Tær eru nógv umbidnar og hava framført nógva staðni.