Gestir hesa ferð:

Turið Poulsen

Erla Thorsteinsson

Birgit Remmel

Sára Gullfoss

Tú kanst ikki fara í hvat sum helst, tá tú skalt standa á tingsins røðarapalli, tí í løgtinginum er klædnakrav galdandi.

- Klæðini skulu vera siðilig og tignaðarlig, sigur Bjørt Samuelsen, tingforkvinna.

Herfyri stóð løgtingslimurin, Jørgen Niclasen, á tingsins røðarapalli í eini heimabundnari skipstroyggju.

Jørgen Niclasen legði mynd út á sín Facebook-vanga av hesum, men tað vísti seg, at tað vóru tey, sum høvdu hug at havast at, at hann var í heimabundnari troyggju og ikki skjúrtu, slipsi og jakka.

Gestir hesa ferð:

Fríða Næss

Turið Poulsen

Harald Bjørgvin

Bjørt Samuelsen

Jørgen Niclasen

Ria Tórgarð

Í nógv ár hevur Harald Bjørgvin droymt um at sleppa til Antarktis at taka myndir. Tá hann sá, at kendi myndamaðurin, Nigel Danson, fór at halda eitt skeið í myndatøku í Antarktis, byrjaði hann at spara sær pening saman til ferðina.

Hann hevur nú verið 8 dagar í Antarktis. Saman við 84 øðrum myndafólkum lærir hann eina rúgvu um at taka góðar myndir. Tey búgva umborð á skipinum Sylvia Earle, og tvær ferðir um dagin fara tey útferðir við gummibátum.

Niðanfyri ber til at síggja nakrar myndir, sum Harald hevur tikið á túrinum.

At geva barninum ávísar mongdir av rúsdrekka, áðrenn tað er 18 ár, er tað sama, sum at siga, at tú góðtekur, at barnið drekkur.

Tað heldur Daisy Iversen, sum er ráðgevi í SSP, sum er samstarvið millum skúla, sosialar myndugleikar og politi.

Í arbeiðinum hittir Daisy Iversen ung fólk kring landið og foreldur teirra. Hóast vit í Føroyum ikki hava neyv tøl, so er hennara fatan, at vit ivaleyst fylgja gongdini í rúsdrekkavanum í londunum rundan um okkum - tey ungu drekka minni enn fyri 20 árum síðani.

At Tjóðskjalasavnið er komið á Vangan, merkir ikki, at trygdin er í vanda. Tað siga Sámal Tróndur Finsson Johansen, stjóri, og Poul A. Simonsen, skjalavørður.

Tjóðskjalasavnið umsitur nógvar persónsviðkvæmar dátur frá øllum myndugleikum í landinum, og tað hevur alstóran týdning, at slíkar dátur verða handfarnar so trygt sum gjørligt.

Savnið er fyrsti tænastuveitarin á Vanganum, ið brúkar knýtið til Skjalhald. Hetta hevur við sær, at tá tú søkir um atgeingi á Vanganum, verður eitt mál beinleiðis stovnað í Skjalhaldi hjá Tjóðskjalasavninum.

Gestir hesa ferð:

 

Turið Poulsen

Daisy Iversen

Sámal Tróndur Finsson Johansen

Poul A. Simonsen

Eftir at hava rikið sína egnu hárfríðkanarstovu í 20 ár, fer leirvíkingurin Kartin Høgnesen nú at taka við nýggjum starvi. Hann er settur sum ungdómsráðgevi hjá Kirkjuligu Heimamissiónini.

Talan er um fulltíðarstarv, ið eitt nú snýr seg um at menna ungdómsleiðarar og at styrkja ungdómsarbeiðið kring landið.

Tað eru fleiri, ið halda tað vera keðiligt, at tey nú missa sín fasta frisør, sigur Kartin flennandi. Men tað eru nógvir góðir frisørar í Føroyum, so tað man fara at ganga, leggur hann aftrat.

Gestir:

Hanus Kjølbro

Árni Andreasen

Filip á Smíð

Kartin Høgnesen

Dorit Hansen

Dávur Winther

Gestir í sendingini eru Bjørg Mikkelsen, Turið Laksá, Jan Simonsen, Bjørn Kunoy, Heini í Skorini, Súsanna Winther Poulsen, Lone Eriksdóttir.