Í nærum tíggju ár hevur Fountainhúsið verið til, og hesa tíðina hevur hurðin verið opin fyri teimum, sum hava brúk fyri at koma seg eftir sjúku, og sum vilja í gongd við ein skipaðan gerandisdag aftur.

Í løtuni eru umleið 45 fólk limir í Fountaiinhúsinum, og tey arbeiða so nógv ella so lítið, sum tað passar hjá teimum, og eru her so leingi, tey hava hug og tørv, sigur Súsanna Winter Poulsen, sum er ein av stovnarunum av Fountainhúsinum.

Eitt leygarkvøld heima við hús fær 22 ára gamla Lív Birgirsdóttir Johansen knappliga sterka høvuðpína aftaná eitt njós. Um vikuskiftið versnar pínan so mikið, at hon fer til sín kommunulækna mánamorgun. Hon greiðir frá sínum sjúkueyðkennum: hon hevur ilt eitt ávíst stað í høvdinum, og pínan fer eisini niður eftir nakkanum. Læknir metir, at høvuðpínan kemst av spenningum í nakkanum, og at hon kann bíleggja sær eina tíð hjá fysioterapeuti.

- Tað sum motiverar meg mest við starvinum sum samskipari hjá Antidoping Føroyar, er upplýsing til føroyskar íðkarar um tær reglur, sum eru innan antidoping, tað sigur Pál V. Joensen, sum júst er byrjaður í starvinum.

Tað snýr seg um at vera sera varin, tá tú íðkar á høgum støði, tí nógvir dopingdómar koma av ósketni. Dømi eru um at ítróttarfólk taka okkurt kosttilskot, sum inniheldur okkurt, sum stendur á langa listanum við bannaðum evnum, ella at tey hava tikið onkran heilivág, sum ikki er loyvdur.

Gestir í sendingini eru Turið Laksá, Pál V. Joensen, Lív Birgirsdóttir Johansen, Annika Nørspang Nolsøe

Felagsskapurin hevur alt at siga.

Tað halda Anna Olsen og Bjørk Lykke Ludvig, sum eru ávikavist trivnaðarfólk og forkvinna í Hósvíkar Róðrarfelagi, sum tann 25. apríl hátíðarheldur 50 ára stovningardag.

Júst góði felagsskapurin og stóra arbeiðið, sum tey sjálvbodnu gera, er ein av høvuðsorsøkunum til, at tað gongst felagnum væl.

- Limir úr Hósvík og øllum Sundalagnum eru altíð fúsir at hjálpa til, tá tørvur er á tí, og tað hevði ikki gingiðst felagnum so væl uttan stóru hjálpina frá teimum sjálvbodnu, sigur Bjørk Lykke Ludvig, forkvinna.

Seinastu fimm árini eru nógv fleiri børn og ung í Føroyum farin at venja fótbólt. Hjá gentum er talið vaksið 27 prosent, og hjá dreingjum 20 prosent.

Christina Ravnsfjall, grasrótasamskipari hjá Fótbóltssambandinum, arbeiðir við breiddarfótbóltinum.

Hon byrjaði í starvinum í 2018 og beinanveg var ein málsetningur at fáa fleiri fólk at spæla. Fyrsta stig var at fáa feløgini at skráseta allar spælarar.

Tað var skjótt greitt, at størsta potentiali var at fáa fleiri gentur at spæla. Tær vóru bæði færri og byrjaðu seinni enn dreingirnir.

Gestir hesaferð:

Turid Laksá

Sverri Steinhólm

Katrin Dam á Neystabø

Christina Ravnsfjall

Bjørg Ludvig

Anna Olsen

Møguliga er tað hetta, sum er orsøk til tølini, sum Gigni almannakunngjørdi í farnu viku, har staðfest verður, at fleiri gentur enn dreingir verða koppsett móti HPV.

Av teimum, sum vóru fødd í 2010 eru 95% av gentunum og 53% av dreingjunum koppsett.

- Tað, sum er jaligt við hesari koppseting er at dreingirnir síggja út til at fáa stórar fyrimunir eisini, sigur Katrin Kallsberg, lækni, sipandi til at talið av dreingjum, sum fáa prikini, ikki er eins høgt og tað hjá gentunum.

Gestir:

Andrias Klein Gregoriussen

Katrin Kallsberg

Hedvig Westerlund-Kapnas

Bergljót Hátún Madsen

Leygarkvøldið verður danska Melodi Grand Prix hildið í konserthúsinum hjá DR í Keypmannahavn.

Átta sangir fara at dystast um heiðurin at umboða Danmark í Eurovision kappingini, sum verður í Malmø í Svøríki.

Millum teir átta sangirnar er I Need Your Love, sum Janus Wiberg syngur.

- Eg hevði ikki roknað við, at tað var so nógv fyrireiking í sambandi við at syngja ein sang, sigur føroyski luttakarin.

Nógv venjing og rættiliga nógvar samrøður við alskyns miðlar. Á ein hátt gleði meg, til hetta er yvirstaðið, viðgongur Janus Wiberg.