Gestir hesa ferð:

Hanus Kjølbro

Janus W. Mortensen

Linda Andrews

Andrass Thomsen

Ári Rouch

Sunnudagin fekk Marius Danielsen boð um, at hann er ein av vinnarunum í Georg Mohr støddfrøðiskappingini. Tað merkir, at hann fer til Danmarkar at luttaka á einum vinnaraskeiði 25.-28. februar, sum tann einasti úr Føroyum. Tað eru 10 ár síðani, at nakar úr Føroyum hevur verið millum vinnararnar.

Á skeiðnum skulu tey til undirvísing, royndir og fyrilestrar við tí endamáli at senda nøkur víðari til kappingar í støddfrøði. Ein partur er eisini at vera saman við øðrum, sum hava áhuga fyri støddfrøði.

Gestir hesa ferð:

Hanus Kjølbro

Siri S. Hansen

Marius Danielsen

Jóannes Andreasen

Urd Johannesen

Gittaristurin Dávur Birgisson hevur skrivað nýggja lærubók, ið nevnist Gittarskúlin.

Hetta er fyrsta lærubók av sínum slag á føroyskum.

Bókin er bygd upp soleiðis, at byrjað verður við tí heilt einfalda.

Síðani verður lagt aftrat so hvørt.

Tá tú ert komin ígjøgnum bókina, hevur tú førleikar til bæði at spæla, improvisera og lesa nótar.

Hetta er tó sjálvandi treytað av, at tú venur nógv, viðgongur Dávur Birgisson.

Gestir í sendingini eru Jóhanna Súnadóttir Petersen, Jóhanna Kjærbæk, Hanus Kjølbro, Sigert Patursson, Dávur Birgisson

Summi kunnu velja at setast aftur, um tey skulu standa í bíðirøð saman við 400 øðrum fólkum fyri at sleppa inn til eina konsert, ella um tey ikki vita, um tey sleppa á vesið tá tey hava brúk fyri tí.

Øðrvísi er, um tey hava eitt frábrigdi, sum sigur starvsfólkunum á staðnum, at hesi eru vælkomin at spyrja, hvussu tey kunnu hjálpa?

Tað er hetta, sum sólblómuskipanin leggur upp til. Er ein stovnur ella eitt felag partur av sólblómuskipanini, so merkir tað, at starvsfólkini her kunnu spyrja tey, ið bera sólblómusnór um hálsin, hvørjum tey kunnu hjálpa við.

- Evni sum sjálvmorð og deyði hava eitt sindur av power í sær, og tey hava gjøgnumslagskraft. Man verður lagdur til merkis, um man velur tungastu evnini, sum man yvirhøvur kann. Tað pressar áskoðaran til at taka støðu til nøkur ting, sigur Hermann Eliassen, filmsummælari, og leggur afturat, at tá ið man sum ungur filmsleikstjóri byrjar, so vil man fegin, at fólk leggja merki til ein, og tá er lætt at velja eitt av hesum tungu evnunum, sum viðgera lívsins spurningar.

Gestir:

Hanus Kjølbro

Hermann Eliasen

Gunn Hernes

Tóra við Keldu

Kristina Djurhuus Christiansen

Karin Margretha Larsen, havfrøðingur og deildarleiðari á Havstovuni, er ein av teimum 17 limunum, sum eru valdir í eitt nýtt ráðgevandi toymi hjá Danska veðurlagsgranskingarstovninum, Nationalt Center for klimaforskning.

Uppgávan hjá Karin Margrethu Larsen og hinum í nýggja ráðgevandi toyminum er at kunna vitanina um veðurlagsbroytingar og teirra avleiðingar fyri menniskju og náttúru í ríkisfelagsskapinum.

Gestir hesaferð:

Hanus Kjølbro

Eydis Ellendersen

Karin Margretha Larsen