Vit fáa eitt prát við Ronju J. Joensen, sum hevur stovnað eitt tiltak á Facebook, har øll kunnu vera við.

Rørslu jólakalendarin 2019 eitur tiltakið, sum fleiri enn 1.300 føroyingar hava teknað seg til.

Rørslu jólakalendarin virkar á tann hátt, at tú hvønn dag fært eina venjing at gera heima. Ronja vísir tær í einum sjónbandabroti, hvussu tú skalt gera, og hvussu leingi venjast skal.

Vit fingu eitt prát við Ronju H. Joensen um kalendaran, og um, hvussu nógvar karamellur og kleynur tú kanst eta, eftir at tú hevur vant.

Luttakarar í sendingini hesaferð: Kristina Bærendsen. Tóra við Keldu, Heini í Skorini, Ronja H. Joensen, Gunnleyg Kalsberg Dánjalsson

Av teimum 22 bólkunum, sum høvdu teknað seg til kappingina, komu 16 á mál og lótu inn ein stuttfilm við evninum 'Ótti', tulkað, sum bólkarnir sjálvir høvdu hugflog til.

Uppgávuna fingu teir fríggjadagin, og 48 tímar seinni skuldi filmurin latast inn til dømingar. Mánakvøldið vórðu vinnararnir síðan avdúkaðir.

Virðislønina fyri besta film vann bólkurin hjá Jónfinni Stenberg fyri filmin 'Pápar mugu ikki forskrekkjast'. Hákun Stenberg í hesum filmi vann eisini heiðurin sum besti leikari.

Tad eru umleið fimm ár síðani, at ST heitti á Føroyar um at bera so í bandi, at breksáttmálin verður hildin, so fólk, ið bera brek, ikki eru fyri mismuni. Enn er nakað á mál við hesum, sigur Tóra við Keldu, forkvinna í MEGD.

Í hesum sambandi skipar MEGD fyri tiltaki í Smæruni í Havn undir heitinum "Eitt virkið lív" um luttøku í øllum lívsins viðurskiftum.

Gestir í sendingini hesaferð: Petur Hans Dahl, Siri Sørensen, Hans David Hansen, Margrið Weihe, Heðin Egholm Skov og Virgar Trondesen

Tá Heðin "Sorgrot54" Skov leygardagin vann FM-finaluna móti Virgari "the Gambler" Trondesen, gjørdist hann føroyameistari í e-fótbólti.

Samstundis vunnu teir báðir vinmenninir sær pláss á landsliðnum, sum í næstum fer undir EM-undankapping.

Sangarar úr 43 londum hava kappast um heitið sum heimsmeistari í karaoke í japanska høvuðsstaðnum. Millum teirra vóru Siri og Hallur, sum bæði tóku lut sum einstaklingar og duett.

Í Norðurlondunum er 1. desember dagurin, har vit skifta battaríið í okkara roykvarnarum. Ein roykvarnari økir um møguleikan fyri at tú kanst fáa eina ávaring, um eldur er komin í húsini.

Henda ávaring kann geva tær tíð til, at tú og familjan sleppa út og fáa ringt eftir hjálp. Tí eru roykvarnarar við til at bjarga bæði lívum og virðismiklum lutum.

Hans David Hansen frá Tórshavnar Sløkkiliði er í útvarpsstovuni og greiðir frá.

Black Friday hevur vundið uppá seg tey seinastu árini, men nú er eitt annað rák eisini komið uppí leikin. Summir handlar velja at boykotta Black Friday.

Eitt nú hevur danski handilin Mads Nørgaard stongt vegna vøruteljing í dag, hetta fyri at gera vart við ovurnýtslu og manglandi endurnýtslu. Ikea í Danmark lýsir eisini við hvar ein kann finna endurnýttar Ikea møblar, heldur enn at lýsa við góðum tilboðum.

Ljóðbókatænastan hjá Landsbókasavninum hevur givið út heilar 53 ljóðbøkur í 2018 og 2019. Tað er ein gleðilig gongd, men tørvur er á eini størri játtan, um Ljóðabókatænastan skal fylgja við tíðini.

Tað sigur Elin Brimheim Heinesen, fyristøðukvinna á Ljóðbókatænastuni. Í løtuni verða ljóðbøkurnar givnar út á fløgu, men nógvar áheitanir eru um at fáa ein portal á netinum til føroyskar ljóðbøkur.