Tí tók hon upp brævasamskifti við ein føroying, sum hon hitti á eini heimasíðu fyri pennavinir.

Føroyingurin vísti seg at vera Poul K. Rasmussen, sum Gretchen nú er gift og eigur sonin Petur Allan saman við.

Luttakarar: Petur Hans Dahl, Hanne Mette Ochsner Ridder, Sanne Storm, Marjun Restorff, Kathrina Lindenskov Holm og Andrass Thomsen.

Hoyr sendingina her.

Tónleikur verður meira og meira brúktur í demensrøktini. Um vikuskiftið var skeið fyri starvsfólki, sum arbeiða innan økið, um hvussu tónleikur kann brúkast í røktini av okkara eldru borgarum.

Í útvarpsstovuni eru Hanne Mette Ochsner Ridder, undirvísari og professari í musikterapi, Sanne Storm, musikterapeutur á psyk. deplinum og Marjun Restorff, leiðari fyri demensklinikkini á Landssjúkrahúsinum.

Saman við bryggjarínum, Okkara, eru Eva úr Dímun og Jógvan Jón Petersen av Dímunargarðinum, farin undir hesa framleiðsluna av rótabryggj.

Talan er um eitt árgangsbryggj úr rótakáli úr Dímun, sum tey hava valt at kalla Mai eftir kálinum hvíta-mai ella mai-rót.

Styrkin á Mai er 14 prosent, og sermerkt er, at hetta hóskar seg bæði væl til ræstan mat og ymisk sløg av fiski - enntá til sushi.

Mai kemur á hillarnar í Rúsuni í dag. Ein fløska kostar 285,- krónur.

Gestir í sendingini hesaferð:

Julia Andem, Thomas Hays, Silja Aldudóttir, Eva úr Dímun, Jógvan Jón Petersen, Søren Antoft og Finnur Koba.

Bókadeildin skipar í sambandi við Bókadagar fyri tveimum SKOMM-tiltøkum fríggjadagin 22/11 í Norðurlandahúsinum. Julie Andem, sum skrivaði og leikstjórnaði røðina SKAM og ein av sjónleikarunum, Thomas Hayes, sum spældi leiklutin sum William í røðini, luttaka.

Síðan í summar hava stórar mótmælisgongur verið í Hong Kong móti kinesiska einaræðinum. Summar dagar hava út við tvær milliónir fólk verið á gøtunum og mótmælt.

Síðan mótmælini byrjaðu í juni, er støðan alsamt harðnað og er nú vorðin so ógvuslig, at tað ávirkar gerandisdagin hjá fólki. Millum annað er stórur partur av undirstøðukervinum stongt, skúlar eru stongdir og samanbrestirnir millum mótmælisfólkini og løgregluna hava enntá kostað fleiri mannalív.

Vinmennirnir Magni Hansen og Bergtór Thomsen úr Fuglafirði sótu í hitarúmi saman, tá teir avgjørdu at báðir skuldu melda seg til ironman.

Nú hava teir so verið í Malaysia, Turkalandi, Suðurafrika og Sri Lanka.

Millum annað greiða teir frá einari stuttligari hending, har teir av tilvild hittu ein føroying í Malaysia.

Gestir í sendingini hesaferð:

Armgarð Arge, Kári Sólstein, Gylta D. á Neystabø, Billa W. Jákupsdóttir, Jóhan B. Mortensen, Rasmus Tantholdt, Magni J. Hansen, Bergtór Thomsen og Elin Henriksen.

Í samband við, at barnarættindasáttmálin hjá ST fyllir 30 ár í ár, skulu níggju føroysk børn á ráðstevnu í Keypmannahavn. Við sær skulu tey hava eitt tilmæli um, hvussu vit kunnu tryggja, at børn og ung kenna síni rættindi og verða hoyrd.