Tað er Bókadeild Føroya lærarafelags, sum hevur givið út bøkurnar eftir Astrid Lindgren. - Okkum dámar illa sensur, men okkum dámar eisini sera illa rasismu, sigur Niels Jákup Thomsen, stjóri í BFL.

Morgunsendingin hevur vitjað Karina og Otto í Drotning Margrethu barnagarði í Klaksvík til eitt prát um endurskin.

Dann Thorleifsson og Arne Leivsgard, keyptu herfyri ein málning, sum teir eftir ætlan skuldu klippa sundur í skivur, til at brúka sum bakvegg í urum, ið teir ætlandi skulu undir at framleiða. Tað er tó ikki vist, um tað nakrantíð kann gerast ein veruleiki, tí danski listamaðurin, Tal R, ið hevur gjørt málningin, hevur stevnt føroyingarnar fyri at gera seg inn á sítt listaverk.

Hesum eru Dann og Arne ósamdir í. Teir vilja vera við, at teir geva listaverkinum eitt nýtt lív og at við list ber til at flyta mørk.

Føroyingarnir skulu í rættin hósdagin 21. november.

Morgunsendingin hevur hitt prestin, har hon millum annað lítur aftur á tíðina í prestagerninginum.

Hoyr Sonju Klein eitt nú greiða frá, tá hon byrjaði í starvi sum tann triðja í røðini av kvinnuligum prestum í Føroyum. Tá vóru summi, sum ikki hildu at tað hóskaði seg, at kvinnur vóru prestar.

Lutakarar: Símun Christian Olsen, Dann Thorleifsson, Sonja Klein og Kjartan Johansen.

Hoyr sendingina her.

Tað gongst ógvuliga væl hjá Kjartani Johansen í hondbóltsfelagnum, Viking Stavanger. Umframt at hann er toppskjútti í deildini, hevur lið hansara fult stigatal eftir átta dystir og liggur á fremsta plássi.

Hoyr samrøðuna við Kjartan Johansen.

Í einum uppslagi á Facebook leitar Maria Reynstind eftir foreldrum, ið hava mist maka, barn ella foreldur at felags barni.

Í morgunsendingini greiddi Maria frá teimum kenslum og gerandisligu avbjóðingum, sum merkja lív hennara, eftir at hon misti mannin.

Sorgarbólkar eru ein góður máti at arbeiða við sorgini uppá, tí teir hjálpa móti einsemiskensluni, sigur Jansy Gaardlykke, dagligur leiðari í Krabbameinsfelagnum.

Brádliga undir einari konsert hjá Ariana Grande, kemur ein maður yvir til Randarsól og spyr hana, um hon hevur hug at verða modell. Eisini spyr hann, um hon kann koma við sær, so hann kann taka nakrar myndir av henni á kontórinum. Randarsól bleiv eitt sindur bilsin og sýtti fyri at fara við manninum.

Luttakarar: Anna Maria Olsen, Maria Reynstind, Jansy Gaardlykke, Randarsól á Botni, Vibeke Michelsdóttir og Kristina á Løgmansbø.

Hoyr sendingina her.

Aðalmálið hjá Monu er at spinna og góðskumenna ullina, so hon kann gerst áhugaverd hjá fleiri at brúka. Samstundis bjóðar Mona inn til eitt spennandi og kreativt umhvørvið, har føroyingar og ferðafólk kunnu koma á gátt, at síggja, læra og uppliva eitt grundleggjandi og søguligt handverk.