Í dag letur Son of Fortune fyrsta sangin av komandi útgávuni frá sær.

Is It Essential er heitið, og hann verður við á Voodoo Pop, ið kemur á marknaðin næsta ár.

Benjamin Petersen hevði havt ávíst samskifti um telduna við fólk í Nashville, men heldur enn at sita heima og skriva, valdi hann í januar at bóka sær eina ferð til Nashville.

Tað var ikki honum greitt, hvat fór at spyrjast burtur úr granskingarferðini, men komin til Nashville vísti tað seg skjótt, at fólk vóru ógvuliga fyrikomandi.

Luttakarar: Sunleif Rasmussen, Lars Larsen Black, Martin Mohr Olsen, Jón Brian Hvidtfeldt og Benjamin Petersen.

Hoyr sendingina her.

Talan er um hægsta stigabil í Norðanlondum. Tá lyftin er heilt úti, røkkur hon 53 metrar beint uppeftir og 27 metrar til síðuna.

Tann gamli sløkkiliðsbilurin frá 2000, sum rakk 32 metrar, hevur tænt fyri seg. Tann nýggi kom til landið mánadagin, og hevur kostað kommununi 6,5 milliónir krónur.

Morgunsendingin prátaði við sløkkiliðsformannin, Heina Østerø, samstundis sum vit fingu høvi at royna lyftuna.

Bjørghild Djurhuus, heilsufrøðingur, er ikki í iva. Tá tú tosar við barn títt, skalt tú brúka móðurmálið. Tað er títt kenslumál.

Um tú brúkar mál, ið tú ikki dugir til lítar, kemur tað tú sigur ikki frá hjartanum á sama hátt.

Hon leggur aftrat, at tað bara er ein fyrimunur hjá børnum at hoyra og læra tvey ymisk mál.

Tey læra ikki bara málini, men fáa eisini eitt virðismikið innlit í mentanina, sum ávísa málið umboðar.

Luttakarar: Janus úr Dímun, Heini Østerø, Petur Vágsgarð og Helena Dam á Neystabø.

Hoyr sendingina her.

Hoyr sendingina her

Luttakarar, Jóngerð M. Nielsen, Anja T. Hvidtfeldt Kvilt, Allan Mørkøre og Bjørghild Djuhruus

Snildfonin hjá Anju Vidtfeldt Kvilt boðaði henni javnan frá, at hennara skíggjanýtsla á Apple iPhone lá um átta tímar í miðal. Tí boðaði Anja í vikuni frá á Facebook, at hon skifti sína iPhone út við eina Nokia 130. Hetta fyri at avrúsa seg frá stóru nýtsluni.

Hon vónir, at hetta fer at geva henni meira nærveru við familju, vinir og fólk sum heild. Alt ov ofta hevur hon fangað seg í, at fara á t.d. facebook uttan mið og mál.

Anja hevur sett sær fyri, at avrúsingin skal vara ein mánað fyri fyrst.

Fimm føroyskar kvinnur hava júst verið í býi nærhendis San Francisco í USA og vitjað eina vinkonu, ið býr har.

Ferðin, sum hevur verið í umbúna í langa tíð, bleiv tó ikki júst soleiðis, sum tær høvdu ímyndað sær.

Jóngerð Martinsdóttir Nielsen greiðir frá, at stóri skógareldurin har um leiðir hevði tað við sær, at tær lógu í streymloysi seinastu dagarnar á ferðini.

Í Føroyum eru vit von við, at streymurin kann fara eina løtu, men hetta var heilt øðrvísi, leggur Jóngerð dent á.

Eitt nýtt samstarv millum Klippfisk, Kringvarp Føroya og Tórshavnar kvøldskúla, ger tað møguligt hjá ungum fólkum at fáa frálæru í at gera heimildarfilm.

Næmingarnir sleppa at royna seg innan ymsu frásøguhættinum við at filma og klippa. Royndir vegleiðarar halda fyrilestrar og eftirmeta og kjakast um avrikini saman við næmingunum.

Pláss er fyri 10-12 fólkum í aldursbólkinum 14-25 ár. Undirvíst verður 10 mikudagar og 5 leygardagar frá 8. januar. Tilmelding fer fram á kvoldskulin.fo og freistin at søkja er 3. november

Luttakarar: Sonni Kalsoy, Henrik Dahl, Ivan H. Niclasen, Anton Petersen og Karin Visth.

Hoyr sendingina her.