Tað er í samband við at Landsjúrkahúsið varpar ljós á, at tað í dag eru 50 ár síðani at psykiatriin kom til Føroya. Hetta var tá Statshospitalið úti á Eiragarði lat upp tann 29. oktober í 1969.

Ráðstevna verður í Smæruni, har ymiskar framløgur vera, sum hava við psykiatri at gera. Millum annað verður kendi sjónvarpsvertur, Henrik Dahl, ein av gestarøðarunum. Heitið á hansara fyrilestri er 'Idiot'.

Henrik Dahl hevur sjálvur søkt sær hjálp frá psykiatriini, tá hann í 2004 fekk staðfest, at hann var maniodepressivur.

Ejler Eysturtún og Barbara Jacobsen, bólkaleiðarar, vitja morgunsendingina.

Tey vísa á, at samrøðubólkarnir hava til endamáls at geva børnum høvi at tosa við onnur børn, sum eru í somu støðu sum tey.

Uttan mun til um foreldur, ið ikki liva saman, hava nógvar ósemjur, ella um samstarvið millum foreldrini er gott, kunnu børn teirra hava nógvar spurningar og kenslur, ið tey kanska ikki tosa um í gerandisdegnum.

Í samrøðubólki fáa børnini høvi at seta orð á hesar tankar og kenslur.

Børnini verða býtt í bólkar eftir aldri, við tvey til trý ára aldursmuni.

Luttakarar: Petur Hans Dahl, Barbara Jacobsen, Eiler Eysturtún, Helena Kannuberg og Ann Krista í Dali og Esther Nemery.

Hoyr sendingina her

Fríggjadagin vardi Helena Kannuberg sína masterritgerð í føroyskum á Fróðskaparsetri Føroya.

Talan er um eina ritgerð, har hon hevur kannað fýra børn, sum hava annaðhvørt teilendska ella filipinska mammu og føroyskan pápa, og teirra málmenning og førleikar.

- Tað er ógvuliga ymiskt, hvussu børnini eru fyri, og av tí at hetta er ein kvalitativ kanning, mugu fleiri aðrar kanningar gerast, áðrenn tað ber til at koma til eina endaliga niðurstøðu, men rákini eru týðulig, sigur Helena Kannuberg.     

Børnini, sum eru tvímælt, hava størri avbjóðingar.

25. oktober, 1919, varð Ismar Joensen borin í heim. Flest fólk kenna Ismar fyri hansara yrkingar og andaliga virksemi.

Millum hansara kendu sangir eru 'Summi fólk so fegin ganga', 'Nú farast allar rósur', Gróður og fleyr' og 'Dømið rætt', sum bólkurin Tollarar og Syndarar gav út fyrr í ár.

Gestir í sendingini hesaferð:

Ólavur Thomsen, Mikkjal Thomassen, Jákup á Borg, Ronnie Thomassen, Anfinn Nielsen, Georg L. Petersen, Egon Øregaard, Jákup Mørk og Tummas Lervig.

Gestir í sendingini hesaferð eru:

Mikkjal Joensen, Sigrid Mikkjalsdóttir, Bjarta Petersen, Heini Mohr Hermansen og Elin Henriksen.

Gamalt var, at røktingarfólk fóru í haga við kikara fyri at vita, hvar seyðurin var. Men nú gevur nýggj tøkni aðrar møguleikar.

Heini Mohr Hermansen, produktleiðari hjá Føroya Tele, greiðir frá skipanini Spora, sum føroyska fyritøkan mennir saman við undirveitara í Spania.

Tøknin virkar soleiðis, at eitt GPS-tól verður spent um hálsin á einum seyði, meðan aðrir fáa eina bíligari bluetooth-eind á seg.

Við hesi hesi tøkni ber til at sita við hús og síggja á fartelefonini, hvar seyðurin er.

Færri hjúnaskilnaðir eru í okkara grannalondum enn fyri bara fáum árum síðani, og sambært tølum frá Hagstovu Føroya, ger tað sama seg galdandi í Føroyum. Frá 2010 til í fjør, er talið á hjúnaskilnaðum fækkað úr 92 niður í 59 hjúnaskilnaðir um árið.

Hoyr Bjartu Petersen, parviðgera, millum annað greiða frá hví so er.

Í tíðarskeiðinum 2014 til 2017 hendu 1024 ferðsluóhapp á føroysku vegunum, sambært skrásetingum hjá løgregluni. 

 205 av teimum ella 20 prosent hendu í hálku.

- Tað er ikki altíð, at tað er tí, at bilarnir ikki eru skøddir, tað kann eisini vera ferð, ósketni og hvirlur, sum elva til ferðsluóhapp, sigur Bjarni Petersen, økisleiðari hjá Landsverki.

Landsverk varskógvar fólk ella bilførarar í hesum døgum um, at veturin er í hondum, og at hálka tí kann væntast brádliga.