Í fólkatinginum hevur talið av akademikarum ongantíð verið so høgt sum nú. 58 prosent av teimum fólkavaldu í Danmark, hava antin ein kandidat- ella eina bacholor útbúgving.

Í løgtinginum hava 18 av teimum 33 eina langa- ella miðal langa útbúgving, sum svarar til 54,5 prosent. Tó hava bara seks av hesum hava eina kandidatútbúgving, sum svarar til 18,2 prosent.

Hoyr Astu Hansen, samfelagsfrøðing, greiða frá, hví tað er týdningarmikið, at býtið í einum parlamenti er fjølbroytt.

Nýggjasta staklagið hjá Marius DC er eitt samstarv við Jasmin, ið syngur við á lagnum, og hevur verið við til at skriva tað.

Tey bæði hittust fyrstu ferð á FMA fyrr í ár, har Jasmin hevði eina framúr góða framførslu, og vann heiðurin sum besta songkvinna. Eftir at tey aftur hittust í sambandi við Sement finaluna, har Marius luttók og Jasmin var serligur gestur, kom hugskotið um eitt samstarv.

Hoyr sendingina her

Luttakrar, Virgar Hvidbro, Hans Pauli Strøm, Edvard í Skorðini Joensen og Elin Henriksen (í samb við málteigin)

Fólkavøksturin hevur ongantíð verið størri. Fólkavøksturin frá 1. september í fjør til 1. september í ár setti met. Fólkatalið vaks við 938 fólkum, og tað er tað mesta nakrantíð í einum 12 mánaðar skeiði.

Hoyr Hans Paula Strøm, sosiolog, greiða frá.

- Eitt natúrtalent. Soleiðis lýsir Edvard í Skorini Joensen, formaður í Vága Dansifelag, Mikkjal á Ryggi við einum orðið.

Mikkjal var ein sera fjølbroyttur maður. Hóast hann ikki var læraralærdur, starvaðist hann í mong ár sum lærari. Hann var virkin í politikki, bæði í sóknarstýrinum og í løgtinginum, har hann umboðaði Sjálvstýrisflokkin í 1920-árunum.

Serfrøðingurin hesa ferð er Haraldur Símunarson Hammer, gartnari.

Hann greiðir frá, hvat vert er at hava í huga, nú tað verður kaldari í veðrinum.

Eisini svarar hann spurningum frá lurtarum.

Kristina Bærendsen váttar fyri morgunsendingini, at hon syngur sang í nýggjum, kinesiskum adventure-filmi, sum Warner Brothers framleiðir.

Heitið er Wings Over Everest, og ein brellbiti sæst á hesum leinki.

Hon greiðir frá, at tey, ið gera filmin, leitaðu eftir onkrum øðrvísi.

Tey settu seg í samband við Sveinn Runar Sigurdsson, sum Kristina Bærendsen samstarvar við.

Hann gjørdi eina demo, ið vær ætlað kinesiskari songkvinnu.

Minnini eru mong og ymisk, tá Atli Gregersen lítir aftur á sína tíð á A-landsliðnum.

Hoyr samrøðuna, sum morgunsendingin gjørdi við tann altíð væl prátandi liðskiparan.

Hoyr sendingina her

Luttakarar, Kristian Joensen, Bjørn Kalsø, Steffan Kalsø, Atli Gregersen, Ugur Kevioglu og Marjun Tausen

Yvirskipaða endamálið við mentorskipanini fyri ung, er at veita eitt upplýsandi, fyribyrgjandi og mennandi tilboð til tey, ið kunnu hava ymsar trupulleikar og sálarligar ampar at dragast við. Við vegleiðing frá sjálvbodnum mentorum, ið eru skúlað til endamálið, vera tey ungu stimbra og sjálvvirði og trivnaðurin mentur.

Marjun Tausen er ein av teimum, sum hevur valt at gerast sjálvboðin mentor.