Gestir í morgunsendingini hesaferð:

Sigrun Jónsveinsdóttir, Jórun Pólsdóttir, Ráll Rói Poulsen og Kitty Madsen, Virgar Hvidbro, John Petersen og Olga Kristina Hansen, Ester Kristiansen og Døgg Nónsgjógv.

Glycogen Storage Disease, stytt GSD, er ein ógvuliga sjáldsom sjúka.

Páll Rói Poulsen og Kitty Madsen eiga tvey børn, Hervør og André, sum hava fingið staðfest GSD.

Tað tók drúgva tíð at finna út av, júst hvat bagdi, og hetta var ein ógvuliga frustrerandi og einslig tíð, siga foreldrini

Páll Rói Poulsen og Kitty Madsen siga, at sera fáir læknar kenna sjúkuna, men tað er ikki løgið, tí hon er bólkað at vera Ultra Rare Disease.

Í Danmark hava fimm fólk fingið staðfest GSD. Í Føroyum eru tey 18.

Sorg er nakað sum rakar okkum øll á ymiskan hátt í lívinum. Men hvussu handfara vit sorgina og hvussu fyrihalda vit okkum til onnur, sum eru í sorg. Hesi eru nøkur av evninum, sum systrarnar Ester Kristiansen og Døgg Nónsgjógv eru farnar undir at gera poddvarp um.

- Tað kann vera torført at seta orð á egnar kenslur - serliga tá tað snýr seg um sorg. Tí kann tað møguliga hjálpa øðrum at hoyra okkum greiða frá um okkara upplivingar. Hetta siga tær báðar millum annað um, hví tær hava valt at fara undir at gera sendingar um evnið.

Katrin Jacobæus hevur ein blogg í 'Kvinnu', sum nevnist 'Mammasta' - ein bloggur, har tú fært tann ráa sannleikan um at vera mamma. Gloym alt um babyglam/spam. Her er órudd, vaskiklæðir, uppvask og ein rúgva av kærleika - og eitt innlit í lívið við einum toddlara, einum 4 ára gomlum og eitt parlag, sum skal passast í rokanum, ímeðan vit eisini passa okkara størv.

Í morgunsendingini prátaðu vit við Katrina um hendan ráa sannleikan - um væntanir og um veruleikar.

Eitt nýtt slag av húseiturkoppi er sætt í Føroyum.

Hann er nógv øðrvísi enn hinir húseiturkopparnir, men hann er kortini ikki vandamikil, staðfestir Jens Kjeld Jensen.

Hoyr hann greiða frá um nýggja húseiturkoppin, sum nú nørist her heima.

Gestir í morgunsendingini hesa ferð eru Petur Hans Dahl, Sjúrður Skaale, Jens Kjeld Jensen og Katrin Jacobæus.

Hóast nógv verður tosað um at verja umhvørvið, er tað ein sannroynd, at nógv rusk framvegis er at finna.

Fínteljing frá Rudda Føroyar tiltakinum, 21. september, vísir, at sjálvboðin hava ruddað 28.226,4 kilo av ruski úr føroysku náttúruni.

Ein stórur partur stavar frá ídnaðarøkjum, og hetta ruskið hevur ofta ligið í fleiri áratíggju.

Men eisini var nógv rusk, sum nýliga er tveitt í náttúruna, tikið upp.

Vilt tú umboða Føroyar?

Føroyar eru við í nýggju, altjóða fótbóltskappingini hjá UEFA, eEURO 2020. Kappast verður í telduspælinum eFootball PES2020, og í november skulu føroysku e-landsliðsleikararnir finnast í kapping, sum FSF og Føroya Tele skipa fyri í felag.

Lat teg í føroysku litirnar og verð kanska Føroya fyrsti e-landsliðsleikari í fótbólti. Nýggja fótbóltskappingin hjá UEFA, eEURO 2020, er ein e-fótbóltskapping, har øll 55 UEFA-limalondini fara at dystast í telduspælinum eFootball PES2020 um at vinna evropameistaraheitið í e-fótbólti.

Hoyr sendingina her.

Luttakarar, Kristina Bærendsen, Holgar Jacobsen, Andrass Thomsen, Tóra Petersen, Uni L. Hansen, Dánjal á Neystabø og Búi Dam

Bárður á Steig Nielsen varð á fyrsta sinni valdur á løgting í 2002. Nú 17 ár seinni situr hann á ovastu rók sum Føroya løgmaður.

Tað var tó stór ósemja undir samgongusamráðingunum um málsøkjabýtið. Kjakast varð um átta- og nýggju málsøkir, men tað vildi Bárður á Steig Nielsen ikki.

– Eg vildi heldur hava sterk ráð enn nógv ráð, so eg helt fast við mítt, greiðir løgmaður frá.