- Tað kostar til tíðir at standa fast við sítt og vera tann man er.

Tað sigur nýggja landsstýriskvinnan í almannamálum.

Elsebeth Mercedis Gunnleygsdóttir hevur mangan verið fyri atfinningum í sínum politiska lívi, men at vera opin um sín hugburð og meiningar og ikki tosa øðrum eftir munninum, heldur hon vera ein av sínum eginleikum.

Morgunsendingin hevur hitt landsstýriskvinnuna til eitt prát.

Eplafestivalurin er ein heystarhátíð, har føroyska rávøran, jørðin og náttúran verður fagnað. Fyrireikararnir vænta sær umleið 3000 luttakandi gestir í ár.

Nógv tiltøk eru á skránni - millum annað kann nevnast mótashow, kapping í eplakasti, framløgur og filmar. Um kvøldið verður borðhald og diskotek út á náttina.

Morgunsendingin fekk orðið á Eyðstein Ólason, ein av fyrireikaranum.

Skráin fyri festivalin:

Vit hava í summar hoyrt um trupuleikarnar við, at ungdómur úr 13 ára aldri hevur rúsað seg í sambandi við festivalarnar, og við hesum tiltakinum vilja vit royna at bjóða ungdóminum til eitt tiltak, har tey minnast hvat fór fram, har tey kunnu skapa vinarlag og stuttleika sær.

Soleiðis verður sagt í lýsingini fyri ókeypis ungdómstiltaki, sum verður á Frælsinum í Havn í kvøld, fríggjakvøldið, 27. september.

Tað eru lesandi á námsvísindadeildini á Setrinum, sum skipa fyri.

- Treiskni kann vera gott í summum førum, men óbrúkligt í øðrum førum, men við teimum royndum, sum eg havi eftirhondini, haldi eg meg duga at skila ímillum, nær eg skal vera treiskur og nær eg ikki skal vera tað.

Tað sigur landstýrismaðurin í fiskivinnumálum, Jacob Vestergaard, sum er farin undir sítt fjórða skeið sum fiskivinnumálaráðharri.

Sjálvur heldur hann ikki, at tað er ein sjálvfylgja, at tað varð júst hann, sum skuldi verða fiskimálaráðharri.

Í 1987 tók Tróndur Patursson eina uppgávu á seg, sum seinni vísti seg at fáa stóra ávirkan á hansara listaleið við at arbeiða við glasi. Tá prýddi hann SMS við sínari kendu glaslist við trappurnar mitt í sølumiðstøðuni.

Nú 32 ár seinni er hann vendur aftur í SMS - hesa ferð við fýra glaslistaverkum, sum prýða veggin á nýggju matstovuni, Hornið.

Morgunsendingin varð boðin til fernisering og fekk orð á kenda listamannin.

Kaj Leo Holm Johannesen hevur roynt eitt sindur av hvørjum í politikki. Hann hevur sitið við borðendan sum løgmaður í sjey ár, og nú skal hann á fyrsta sinni royna seg sum landsstýrisfólk í heilsumálum.

Heilsumál var ein sessur, sum hann legði billett inn til beinavegin undir samgongusamráðingunum, men vinnumál var eisini eitt økið, ið hevði hansara áhuga.

Vit hava hitt nýggja landsstýrismannin til eitt prát.

Hesa vetrarskránna verður aftur ein serfrøðingur knýttur at morgunsendingini. Hvønn mikumorgun fara serfrøðingar innan ymisk økir at svara spurningum frá lurtarum.

Í morgun var venjarin á gátt, sum í vetur er Rani Midjord.

Undir seinna heimskríggi búði føroyska familan í Dali í Vanløse. Tey vóru væl við jødisku Stohn hjúnini, sum áttu húsini, har familjan í Dali leigaði sína íbúð.

Men í 1943 herdist jagstranin eftir jødum í Danmark, og Stohn hjúnini noyddust at flýggja frá degi til dags.

Føroyska familjan tók yngra sonin hjá teimum, Carsten Stohn, til sín. Hann var bara sjey mánaðir.

Trillaði fram við týskum hermanni

Helgi Abrahamsen hevur verið partur av politikki seinastu 20 árini. Helgi er tað, ið ein kann kalla ein sannan partísoldát.

Árini frá 1999 til 2008 var hann floksskrivari í Sambandsflokkinum, áðrenn hann fór í løgtingið sum varamaður.

Vit hava hitt nýggja landsstýrismannin í vinnu- og umhvørvismálum til eitt prát.

Fyri einum ári síðani fór Maigun Solmunde undir at kanna leiklutrin hjá føroyingum at bjarga jødum undir krígnum.

Hetta kanningararbeiðið er framvegis ígongd, og í dag arbeiðir hon saman við Jan Ruven Rozen Rosenberg, sum er danskur jødi, búsitandi í Ísrael, ið hevur drúgvar royndir við at útvega pening vegna Jewish Agency, sum er ein alheimsfelagsskapur við endamáli at hjálpa jødum kring heimin.

Fleiri hugtakandi søgur

Fleiri ítøkiligar søgur eru komnar burtur úr kanningararbeiðinum.