Hóast fólk í føroyska filmsumhvørvinum eru tøtt sum tunnan, so tykist tað púra vist, at upptøkur verða gjørdar í Kalsoynni til næsta James Bond-filmin, No Time To Die.

Sólarn Isaksen, sum býr á Húsum, sigur við morgunsendingina, at nógv virksemi er í oynni. Bilar, tól og ikki minst reyða tyrlan, sum fleiri sóu koma á Havnina við Norrønu fyri nøkrum døgum síðani.

Sólarn Isaksen hevur frætt, at tyrlan fer at flúgva í gjøgnum tunlarnar í oynni.

Um tað verður tann veruliga tyrlan, ella um hesin parturin verður gjørdur við teldutøkni, sigur søgan einki um.

Tann 24. september 2019 verður Norðoya Sparikassi 100 ár, og dagurin verður hildin við stórum hátíðarhaldi fyri bæði vaksin og børn í KÍ-Høllini og Badmintonhøllini leygardagin 28. september 2019 frá kl. 14:00 til 18:00.

Tvær hallir á tremur við tiltøkum

Á báðum pallunum verður skráin fjølbroytt og spennandi. Í KÍ-Høllini vendir skráin sær til tey vaksnu, meðan børnini eiga Badmintonhøllina.

Hetta er fyrsta standmynd av navnnevndari kvinnu í Føroyum. Tað er Klaksvíkar kommuna, sum saman við Norðoya Sparikassa, ið hava tikið stig til standmyndina, eftir uppskoti frá Edwardi Fuglø, listamanni.

Hans Pauli Olsen, myndahøggari hevur gjørt standmyndina.

Elinborg Lützen varð fødd í Klaksvík 26. juli 1919 og andaðist 22. november 1995. Hon var fyrsti og leingi einasti grafikarin í Føroyum.

Morgunsendingin vitjar í vikuni nýggju landsstýrisfólkini. Í morgun vóru vit á gátt hjá Jenisi av Rana, landsstýrismanni í uttanríkis- og mentamálum. Jenis av Rana hevur drúgvar royndir í politikki, men hetta er fyrstu ferð, at hann situr sum landsstýrismaður.

Fríggjadagin 13. september var ein rokmikil dagur í Løgtinginum. Klokkan 11 boðaði Bárður á Steig Nielsen frá, at hann fór heldur at royna at skipa samgongu saman við Javnarðarflokkinum, Tjóðveldi og Framsókn, men tveir tímar seinni var borgarliga samgongan komin upp á pláss kortini.

Tá felagsskapurin UK Roundabout Appreciation Society valdi ársins rundkoyring, var tað hon, ið er á vegamótinum Landavegur, Heygsvegur, Íslandsvegur, ið vann.

Pól Adrian Poulsen sigur, at hann bleiv ógvuliga bilsin, og ikki minst fegin, tá hann frætti um heiðurin, sum rundkoyringin hevur fingið.

Rundkoyringin er partur av vegagerðini í sambandi við Skúlan á Fløtum, Musikskúlan og Glasir.

Tað var táverandi býarverkfrøðingurin, Heini Eysturoy, sum heitti á Pól Adrian at projektera rundkoyringina.

Betru kortini lógu hjá Bárði Nielsen undir samgongusamráðingunum og tí mátti Jørgen Niclasen sleppa ætlanunum um at gerast løgmaður. Hann hevur tó fingið næstbesta sessin, heldur hann sjálvur.

– Tá ein ikki fær tað besta, tekur ein tað næstbesta.

Soleiðis sigur landsstýrismaðurin í fíggjarmálum, Jørgen Niclasen.

Morgunsendingin hevur hitt roynda politikaran til eitt prát.

Føroysk skótahjálp er eitt átak, har frísk og ferðug børn stuðla og hjálpa neyðstøddum, sjúkum og illa støddum børnum og ungum í Føroyum og uttanlands við pengum, sum á hvørjum ári eru savnaðir við arbeiði ella á annan hátt.

Skótahjálpin letur í ár pening til hesa verkætlanir:

Petø-venjingar

Í eysturbýnum í Havn er nýtt vakstrarhús undir bygging. Endamálið er at dyrka grønmeti til egið brúk. Meginparturin av arbeiðinum er sjálvboðið, men eigarafelagið fekk 10. mai handað 75.000 krónur í umhvørvisstuðli frá Tórshavnar kommunu.

Tann penningurin er millum annað nýttur til at planera økið, har vakstrarhúsið skal standa. Ætlanin er at vakstrarhúsið, sum verður 120 fermetrar til støddar, skal vera klárt at brúka komandi vár.

Hoyr sendingina her

Luttakarar, Jógvan í Skorini, Elin Lindenskov og Elin Mirjamsdóttir

Heri Joensen, sangari og gittaristur í Týr, fegnaðist, tá hann fekk fyrispurningin um samstarvið við Føroya Symfoniorkestur.

Hetta havi leingi droymt um, leggur hann aftrat.

Nakrir fjepparar hjá bólkinum hava lomgu hoyrt um ætlanina, og teir lata væl at.

Uppgávan er risastór, leggur Poul Jákup Thomsen, formaður í Føroya Symfoniorkestri dent á.

Hann væntar, at fjepparar hjá TÝR fara at uppliva sterku megina frá einum heilum symfoniorkestri, og tey, sum vanliga lurta eftir klassiskum fáa eina nýggja uppliving.