55 ára gamli Henry Olsen er Danmarkarmeistari í sínum aldursbólki í hálvum maratoni. Tað er greitt eftir kappingina 'Copenhagen Half', sum var í gjár.

Henry Olsen hevur havt eitt framúr gott ár í ár, har hann hevur vunnið FM í maratoni og á 5.000 metrum, hann hevur runnið tað sætta og seinasta av teimum heilt stóru maratonunum í heiminum og nú er hann so danmarkarmeistari afturat.

Eftir seinna heimsbardaga var stórt trot á sjúkrarøktafrøðingum, og tí varð samtykt eftir nógv kjak og drúgvar samráðingar, at menn eisini kundu lesa sjúkrarøktafrøði. Ein vetrarmorgun í 1951 byrjaðu teir fyrstu mannligu næmingarnir á Ríkissjúkrahúsinum. Millum hesar ungu menninar, var ein føroyingur, nevnliga tann tá 19 ára gamli Axel Johannesen.

Ein donsk sjónvarpsrøð er gjørd um Axel og starvsfelagarnar, ið eitur Sygeplejeskolen.

Vit hava hitt Axel til eitt prát, sum í dag er 93 ár.

Luttakarar: Aksel Johannesen, Monika Mohr, Henry Olsen og Arni Vatnhamar.

Hoyr sendingina her.

16 ára gamla Amber Treis úr Týsklandi og 18 ára gamla Veronica Tani úr Italia hava seinasta árið búð í Føroyum.

Tær eru skiftisnæmingar við felagsskapinum AFS. Tær hava gingið í 1.s á Glasi og hava búð hjá føroyskum familjum í Havn.

Báðar tosa tær føroyskt. Tær hava tikið skeið í føroyskum, men hava eisini lært tað í vanligari undirvísing á Glasi og við at samskifta við familju og vinir á føroyskum.

Tær eru sera glaðar fyri hetta árið í Føroyum, og halda, at her er sera gott og vakurt at búgva.

Hoyr alla sendingina her

Hoyr alla morgunsendingina her

Barsilsskipann er kjarnan í kjakinum um javnstøðu millum kynini. Tað kom frá á Ráðstevnuni um menn og javnstøðu, sum var herfyri í Öström.

Í Føroyum eru fýra vikur av barsilstíðini markaðar til pápan, men vit kunnu vænta, at enn fleiri vikur verða markaðar. Tað ætlar í øllum førum Heðin Mortensen, landsstýrismaður, sum varðar av økinum.

Í Føroyum hava vit nógv ymisk sløg av blomsturflugum, sum nógv fólk kalla fyri biir ella býflugur og tískil bæði ræðast og royna at drepa.

- Hetta er eitt dømi um, at skeiv málnýtsla er vandamikil - í hesum føri fyri blomsturflugurnar, sigur Elin Henriksen, málkøn.

Blomsturflugur eru ofta størri enn vespur, tær kunnu hava gular og svartar strípur, men stinga ikki.

- Vit eiga at ansa eftir teimum og geva teimum frið, tí vit hava ikki so nógvar, at vit kunnu loyva okkum at drepa tær av berari málsligari misskiljing, sigur Elin Henriksen og hevur hesi ráð:

Felagið Dagstovnanámsfrøði í Føroyum er júst sett á stovn. Endamálið við felagnum - sum er eitt undirfelag hjá Føroya Pedagogfelag - er at allýsa námsfrøðina í Føroyum, og harafturat tosa meiri um námsfrøði sum fak. 

Orsøkin til felagið kemst millum annað av, at fleir ikki eru tilvitaði um týdningin námsfrøði sum fak. Hetta skyldast partvíst av, at námsfrøði er eitt lutfalsliga ungt fak í Føroyum.

- At hava verkir er nakað lort. Men tá alt so er yvirstaðið, tá er tað fantastiskt at uppliva kvinnuna, sum er sterk og errin av føðingini.

Orðini eigur Poulina Abrahamsen úr Fuglafirði, sum í 43 ár hevur arbeitt sum ljósmóðir. Í farna mánaði fekk hon sokallaðu fortjenestemedaljuna frá Drotningini fyri tey 43 árini, hon hevur hjálpt barnakonum at eiga.

Tað byrjaði annars ikki so væl, tá Poulina Abrahamsen var við til fyrstu føðingina sum ljósmóðir fyrst í 1970unum.