- At hava verkir er nakað lort. Men tá alt so er yvirstaðið, tá er tað fantastiskt at uppliva kvinnuna, sum er sterk og errin av føðingini.

Orðini eigur Poulina Abrahamsen úr Fuglafirði, sum í 43 ár hevur arbeitt sum ljósmóðir. Í farna mánaði fekk hon sokallaðu fortjenestemedaljuna frá Drotningini fyri tey 43 árini, hon hevur hjálpt barnakonum at eiga.

Tað byrjaði annars ikki so væl, tá Poulina Abrahamsen var við til fyrstu føðingina sum ljósmóðir fyrst í 1970unum.

- Vit hildu, at hetta var eitt áhugavert evni og vildu fegnar vita meira um føðingar í Føroyum upp gjøgnum árini. Tí valdu vit at gera henda filmin.

Soleiðis siga tær báðar Karina og Theresa Jákupsdóttir, sum hava gjørt nýggja, føroyska heimildarfilmin Verkir.

Hetta er ein filmur, sum snýr seg um broytingina, frá at kvinnur áttu heima, til at allar føðingar eftur fáum árum vóru fluttar inn á sjúkrahús.

Filmsfelagið vísir filmin í Havnar Bio í kvøld klokkan 20.00, og filmurin verður eisini vístur í Løkshøll í Runavík hóskvøldið.

Nær koma kvinnur í skiftisárini, og hvørjir eru fyrimunirnir og vansarnir við at taka hormonið østrogen?

Hesir vóru nakrir av spurningunum, sum kommunulæknin, Amalia Danielsen, svaraði, tá hon var í morgunsendingini týsmorgunin.

Umframt at greiða frá skiftisárunum svaraði hon eisini spurningum frá lurtarum.

Klokkan 7:30 í morgun leyp Elmar Ósá í hylin í Svimjihøllini í Gundadali. Næstu nógvu tímarnar er málið, at fullføra ein dupultan iron man.

Fyrst skal hann svimja 7,6 kilometrar. Síðani verður súkklað 360 kilometrar í Streymoynni og Eysturoynni. At enda er tað renningin, og tá eru tvey maraton, ella 84 kilometrar, fyri framman.

Byrjað verður á Oyrarbakka. Hann rennur síðani til Havnar, og seinastu kilometrarnir verða runnir á Tórsbreyt. Tilsamans 452 kilometrar.

Hoyr her alla morgunsendingina.

Sangurin hevur ligið í skuffuni í fleiri ár, sigur Heri Nolsøe.

Føroyar mín drotning er heitið, og hann er ein lýsing av landinum, vit búgva í.

Karl Martin Samuelsen og Mikkjal Hvannastein hava samskipað, og tað vóru teir, ið heitti á Ólav á Váli Olsen at syngja sangin.

Ólavur verður javnan biðin at syngja sangir hjá øðrum, men hann leggur ikki rødd til alt.

Henda vildi hann tó fegin syngja.

Sangurin Dalar og fjøll var væl móttikin, og eg eri spentur at vita, hvørja móttøku hesin fer at fáa, leggur hann aftrat.

Her hoyrir tú alla morgunsendingina frá týsdegnum 11. juni.

Hoyr sendingina her

Lutakarar, Monika Midjord Nolsøe, Fía Lindenskov, Súsanna Husgaard Niclasen, Margreta Nónklett, Suni Merkistein, Jón Brian Hvidtfeldt, Alfred E. Eliasen og Mikkjal G. Hansen.

Fía Lindenskov og Súsanna Husgaard Niclasen skipa fyri Silly Walk gongu í dag í sambandi við mentanarnáttina í Havn.

Silly Walks er úr sjónvarpsrøðini Monty Python. Sjónleikarin John Cleese spælir, at hann arbeiðir í Ministry of Silly Walks, og hevur tá fleiri stuttlig gonguløg.

Havnar Hornorkestur spælir eyðkennisløg úr Monty Python, meðan Silly Walk gongan er.

Gongan byrjar við trappuna í Vágsbotni kl. 17.00 í dag, og øll kunnu vera við.

Í mars var Illtonkt víst fyrstu ferð.

Konseptið er, at tveir persónar dystast í sonevndum munnhøggi.

Tað er tað, sum á enskum eitur Battle Rap.

Átta dystir hava verið, og nú er ein steðgur, til farið verður undir næsta umfar.

Alfred E. Eliasen og Mikkjal G. Hansen hava báðir roynt seg í ringinum, og teir eru glaðir fyri upplivingina.

Bæði Mikkjal og Alfred hava hug at royna seg aftur.

Tað eru menninir í Swangah: Ragnar Davidsen, Steen Rói Lorenzen og Eyðun Muller Thomsen, sum skipa fyri.