Skúlin hjá Dugna við Áir hevur verið umvældur í trimum byggistigum, og nú er seinasta byggistig liðugt.

Hølini eru vorðin meira modernað og snotulig, og so eru ábøtur gjørdar á luftviðurskifti og brunaviðurskifti.

Skúlaleiðarin Stig Elttør sigur, at tey trívast væl í nýggja skúlanum og eru glað fyri broytingarnar.

Fleiri útlendingar á skúlanum

Stig Elttør sigur, at tað eisini eru fleiri útlendingar, sum taka prógv í skúlanum við Áir árliga.

Ingi Wiberg er lærari í skúlanum á Giljanesi, og hann undirvísir millum annað tveimum 8. flokkum í samfelagsfrøði.

Ingi Wiberg dregur ofta næmingarnar við í undirvísingini og hevur kjakmentan sum part av undirvísingini.

Hóast tað eru lærugreinar og lærarar, sum leggja upp til kjak, er tað ikki er eitt krav í fólkaskúlanum.

Skúlablaðið skrivaði herfyri eina grein um Inga Wiberg og kjakmentan, tí hann roynir tilvitað at læra næmingarnar at kjakast.

Skipar fyri pallborðskjaki

Luttakarar: Ingi Wiberg, Gudny Langaard, Tórstein Christiansen, Sjúrður Hammer, Tim Birkhead, Stig Elttør og Gretchen Rasmussen.

Hoyr sendingina her.

Privatflogfør úr øllum heiminum eru at kalla gerandisgestir í Vága Floghavn í summarmánaðunum. Serliga er talið av teimum fínu, eksklusivu flogførunum vaksandi, sigur Gudny Langaard, flogvallarstjóri.

Á ferðaskrivstovunum merkja tey eisini økta eftirspurningin fyri Føroyum frá hesum ferðabólki, staðfestir Tórstein Christiansen frá GreenGate.

Hann vísir á, at hesi ferðafólk vilja uppliva okkurt serligt, burtur frá tí vanliga ferðafólkameldrinum, og at pengar eru eingin forðing.

Hoyr Gudny Langaard og og Tórstein Christiansen greiða frá.

Tim Birkhead hevur PhD í lívfrøði og er víðagitin høvundur, vísindamiðlari og granskari í fuglafrøði. Við sínum drúgvu granskingarroyndum og evnum at miðla gransking á ein viðkomandi hátt, gevur hann lesarum og áhoyrarum eitt heilt serstakt innlit í fugl og fuglalív.

Ein tann kendasta bókin hjá honum, Bird Sense: What It's Like to Be a Bird, gjørdist New York Times bestseljari og hevur vunnið fleiri heiðurslønir.

Heitið á hesi bók verður eisini yvirskriftin á fyrilestrinum fyrilestrinum í Kongshøll í Sjóvinnuhúsinum í Havn í kvøld, týskvøldið, klokkan 19.

Langa bíðirøðin niðan á Mount Everest hevur kravt enn eitt mannalív.

Í gjár doyði ein breti, beint sum hann var komin niðan á tindin.

MIkudagin bíðaðu klintarar í upp til tríggjar tímar at koma niðan.

Sambært New York Times, so hevur køin ikki verið so long fyrr.

Fyri fimm árum síðani bleiv Arni Vatnhamar fyrsti, og higartil einasti, føroyingur, sum hevur verið á tindinum á heimsins hægsta fjalli.

Arni Vatnhamar sigur, at tað ikki er nakað nýtt, at long bíðirøð er.

Luttakarar: Petur Hans Dahl, Kirstin Sigurðsdóttir Rasmussen, Aimi Justinussen, Herbogr Torkilsdóttir, Kurt Fossaberg og Arne Vatnhamar.

Hoyr sendingina her.

Í apríl læt Herborg Torkilsdóttir sín fyrsta sang úr Hondum. Lalala, sum hann eitur, hevur javnan verið at hoyrt í útvarpinum.

Nú er annar sangurin klárur, og hesin hevur eina heilt serstaka og rættiliga persónliga søgu.

Gudmundur Djurhuus hevði hoyrt tónleikin hjá Herborg. Hann var hugtikin og setti seg í samband við hana.

Hann bleiv skjótt umboðs fólk hjá Herborg, og tey samskiftu regluliga.

Eitt fríggjakvøld, tá tey tosaðu í telefon, greiddi Gudmundur Djurhuus frá, at kona hansara, Evi Tausen, var flutt til Danmarkar, tí hon vildi skiljast.

Peter Damgaard-Hansen, sum er psykologur og par-terapeutur, heldur fyrilestrar í Vesturkirkjuni í Havn í hesum døgum.

Hansara fakliga tilgongd tekur støði í einum samspæli millum likamliga, sálarliga og andaliga heilsu.

Hann vísir á, at tað at gráta er eitt framúr gott amboð í sorgini, men í okkara mentan er tað eitt so stórt tabu, at fleiri vaksin hava glomyt, hvussu man grætur.

Hóast hann er kristin psykologur, so roynir hann ikki at fortleja fólki, hvørjum tey skulu trúgva.

Nú verður norðurlendska matvirðsilønin aftur latin. Embla, sum hon eitur, fagnar tað besta í norðurlendskari matgerð. Tað verður 1. juni í Reykjavík, at ein dómsnevnd við umboðum úr øllum luttakaralondunum, fer at gera av, hvørji skulu fáa norðurlendsku matvirðislønina 2019.

Millum tey tilnevndu eru Barbara Andreasen og Tjóðhild Patursson, sum eiga og reka smápartafelagið, Gimburlombini.

Tær eru fegnar um tilnevningina og ætla sær eisini til Reykjavík í sambandi við tiltakið.