Luttakarar: Andrias Høgenni, Peter Damgaard-Hansen, Barbara Andreasen, Tjóðhild Patursson, Janus Vang, Marjun Lómaklett og Uni Leitisstein Hansen.

Hoyr sendingina her.

Tey, sum hava hug at fara til útigudstænastuna skulu møta í Haraldssundi.

Kunoyar Kommuna bjóðar morgunmat í bygdarhúsinum í Haraldssundi klokkan 9.

Marjun Lómaklett, prestur, hevur gudstænastuna á Skarði áleið klokkan 13.

Tað verður sum ein vanlig gudstænasta, men henda verður kanska nakað styttri, sigur prestur.

Tey, sum fara til Skarðs, fáa øll ein matpakka við.

Farið verður til gongu úr Haraldssundi klokkan 10.

Brandur Klettskarð í Kongsstovu verður ferðaleiðari.

Luttakarar: Hans Atli Dahl, Jón Brian Hvidtfeldt, Beinta Løwe, Jarvin Feilberg Hansen, Rói B. Poulsen og Elin Henriksen.

Hoyr sendingina her.

Onkur, nakar og summi hava hvør sína merking, og tey verða brúkt á hvør sín hátt, hóast tey viðhvørt kunnu verða nýtt sum samheiti.

Dømi:

1. 'Er nakar her, sum hevur verið og ferðast í ár?' (spurningur)

2. 'Onkur man hava verið og ferðast í ár.' (staðfesting, onkur, men eingin ávísur)

3. 'Summi ferðast á hvørjum ári.' (staðfesting, summi, nøkur ávís)

4. 'Eingin hevur verið og ferðast enn.'

Men undir ávirkan av donskum er nakar í ferð við at troka hini burtur, sigur Elin Henriksen.

Vit ynskja øll at hava kensluna av at hava hug at koma aftur, tá ið vit eru byrjað í einum nýggjum felagsskapi.

Tíverri er tað ikki altíð so, men í nýggja faldaranum, sum FUR og ÍSF hava gjørt í samstarvi við ABC fyri sálarliga heilsu, fáast einfaldar loysnir og uppskot um, hvussu ein tryggjar ta góðu móttøkuna í sínum felagi ella felagsskapi.

Faldarin vendir sær til limir, íðkarar og leiðarar í felagsskapum og til nevndarlimir, foreldur, venjarar, undirvísarar og hjálparfólk, t.e. øll tey, sum møta nýggjum limum ella luttakarum í felagsskapinum.

Í døgunum 13. - 21. mai hevur ein altjóða bólkur av universitetslesandi úr fimm ymiskum londum sitið við føroyskum avbjóðingum í sambandi við umlegging av føroysku orkuskipanini.

Talan er um átakið International Community Energy Challenge, har fyritøkur og stovnar í Føroyum samstarva við fimm universitet um at menna hugskot til nýggjar loysnir fyri burðardygga orkuveiting á landi og á sjógvi.

Universitetini, sum luttaka, eru Prince Edward Island University, Háskóli Íslands, Heriot-Watt University, Høgskulen på Vestlandet og Fróðskaparsetur Føroya.

Luttakarar: Jóannes Purkhús, Ann Danielsen, Hildur við Høgadalsá, Annika Olsen, Katrin Dánjalsdóttir, Anna Demeo og Arinze Onyabo.

Hoyr sendingina her.

Allar vanligar, frískar kvinnur undir 35 ár fáa bjóðað eina ultraljóðskanning av fostrinum í viku 18.

Er ein kvinna í øktum váða, so eru onnur tilboð. Tað eru kvinnur, sum eru eldri enn 35, hava arvaligar sjúkur í familjuni ella hava átt eitt sjúkt barn fyrr.

Tað kann vera eina skanning tíðliga í viðgongutíðini, ein móðurkakuroynd, ein fosturvatnsroynd, ella ein NIP test, sum er ein blóðroynd frá mammuni.

Eisini kann mann gera eggsortering heilt tíðliga, um tað er álvarslig deyðilig sjúka í familjuni.

Asta var 15 ára gomul, tá ið hon tók yvir kioskina eftir pápa sín. Tá ið hon fylti 18 ár, byrjaði Asta at standa í eyðkendu kioskini í Havn.

Nú letur kioskin so upp aftur í nýggjari útgávu, og nú er tað Gist og Vist, sum eigur hana.

Í gjár kl. 15. var móttøka á Vaglinum, tá kioskin lat upp. Vit vóru við, og har vóru nógv fólk møtt upp.

Morgunsendingin fekk orðið á Astu, sum fekk skonkt fyrsta koppin av kaffi í nýggju kioskini, og nøkur fólk, sum hava góð minni frá kioskini hjá Astu.

Luttakarar: Sólja av Skarði, Jens Marius Poulsen, Emil Lisberg Jacobsen, Theresa Turiðardóttir Kretzmann og Margret Mortensen.

Hoyr sendingina her.