Í tvey ár hevur ein arbeiðsbólkur virkað fyri at fremja ein heilsustovn, ið kann veita eina heildarætlan.

Tey, ið manna bólkin, eru Magni Mohr, PhD í Human Fysiologi, Guðrun Zachariasen, kommunulækni, Ára Rasmussen, kiropraktor, Tóra Petersen, sálarfrøðingur og Snorri Patursson, kostfrøðingur.

Hetta er grundbólkurin, men fleiri onur eru eisini knýtt at honum. Í alt eini 20 fólk, sigur Magni Mohr.

Ári Rasmussen, kiropraktor, vísir á, at hann er klinikari, og tí tekur hann ímóti fólki hvønn dag.

Luttakarar: Marjun Olsen, Hans Johannes á Brúgv, Steinbjørn Jacobsen, Gunhild Niclasen, Annika Steintórsdóttir, Magni Mohr, Guðrun Zachariasen og Ári Rasmussen.

Hoyr sendingina her.

Tá flogbóltsgallaveitslan var á Giljanesi herfyri, fingu bestu spælarar og venjarar virðislønir, men harumframt handaði Flogbóltssamband Føroya eina serstaka viðurkenning.

Óli G. Samuelsen, sum hevur ferðast runt landið í sambandi við frásagnir fyri FM 1, eins og hann hevur verið knýttur at fleiri flogbótstiltøkumtiltøkum, sum hava verið seinatu árini, fekk heiður Ársins eldsál.

Hetta kom púra óvart á meg, sigur hann.

Óli G. Samuelsen segði frá sínum fyrsta flogbóltsdysti í oktober í 2017, og síðani hevur hann sagt frá eini rúgu av dystum.

Samsint taldist millum best umtóktu rokkbólkar í Føroyum í seinnu helvt av 80unum.

Kristni bólkurin bólkurin spældi nógvar stórar konsertir í Føroyum og eisini var onkur uttanlands.

Fløgan og bandið, sum kom út í 1989, var væl fagnað og sangir sum Vit vóru orsøk og Eg veit frelsari mín livir vóru stórhitt.

Stutt eftir gavst Samsint, men nú, 30 ár eftir einastu útgávuna, kemur bólkurin saman aftur og fer at spæla jubileumskonsert á Summarfestivalinum.

Luttakarar: Sigvør Laksá, Uni Holm Johannesen, Herálvur Jensen, Andrew Jensen, Jón Svein Heinesen, Heini Lützen og Óli G. Samuelsen.

Hoyr sendingina her.

Ovurviðkvæmi, tarmalop og MFR-koppseting.

Hesi vóru nøkur av evnunum, tá Amalia Danielsen, kommunulækni, svaraði spurningum frá lurtarum í morgunsendingini.

Hoyr sendingina her

Luttakarar, Bárður Østerø, Óluva Zachariassen, Katrin á Neystabø, Birgit Helena Dahl Hansen, Heri Andreasen og Amalia Danielsen

Børn yngri enn fimm ár kunnu sita í hægst ein tíma um dagin framman fyri einum skíggja. Og børn yngri enn eitt ár skulu als ikki brúka eitt nú teldu, teldlar, telefon ella sjónvarp.

Tað stendur millum annað í nýggja tilmælinum frá heimsheilsustovninum WHO, tá tað snýr seg um skíggjatíð og børn.

Men hví er tað so umráðandi at smábørn ikki brúka serliga nógva tíð framman fyri einum skíggja?

Hoyr sendingina her

Luttakarar, Petur Hans Dahl, Gitte Klein, Victor Carlsen og Bárður Háskor

Í morgin, leygardagin, er ein serligur altjóða dagur, ið kallast Global Big Day.

Hetta er eitt fuglateljingartiltak har ein og hvør fuglaáhugaður kann vera við.

Svein-Ole Mikalsen og Jórun Pólsdóttir, nevndarlimir í Fuglafrøðifelagnum, eru í útvarpsstovuni.

Svein-Ole, sum er úr Norðurnorra, sigur, at hann altíð hevur verið áhugaður í fugli.

Tey plagdu at hyggja at fuglinum, sum var í urtagarðinum ymsu árstíðirnar.

Hjá Jóruni er øðrvísi. Tað er ikki fyrr enn seinastu árini, at hon veruliga hevur fingið henda áhugan.