Luttakarar: Annfinnur Heinesen, Vígdis Hentze Bjørck, Andrias Reinert

- Alt gott um ungdómshús til børn og ung, men eg haldi, tað er umráðandi, at børnini eisini sleppa at bjóða vinfólkum heim til sín at spæla. Tí tað er tá, at foreldrini kunnu fylgja við í, hvat fyriferst í vinaflokkinum, og hvørji hini børnini eru, sum teirra barn brúkar tíð saman við.

Soleiðis sigur Kala Rajani Hansen, heilsufrøðingur.

Í morgunsendingini greiddi hon frá, hvørt foreldur eiga at blanda seg uppí, hvørjar vinir barnið hevur, ella ikki.

Viviann Tórsdóttir fegnast um, at mamma hennara, sum fór alt ov tíðliga, hevur eina minnissíðu á Facebook. Eg vitji hana javnan, og tað er mær ein góður uggi, sigur hon.

Hóast talan nú er um eina minnisíðu, hava vit, sum eru vinir við hana, atgongd til alt tilfarið á síðuni, sigur Viviann Tórsdóttir.

Hon er fegin um møguleikan at vitja minnissíðuna, men heldur tað eisini vera gevandi at vitja á grøvini.

Í Føroyum er Facebook framvegis nógv tann størsti sosiali miðilin.

Tað er blivið alsamt meira vanligt, at fólk brúka Facebookvangar hjá deyðum persónum sum eitt slag av kirkjugarði. Tað er har, tey minnast viðkomandi, skriva sínar tankar og fortelja ymiskt, sum tey høvdu ynskt, at tey kundu fortalt hesum persóninum, sum er farin foldum frá.

Sambært prestinum, Theodor Eli Dam Olsen, er tað ein rættiliga natúrlig gond, at fólk í størri mun eru farin at brúka sosialar miðlar eisini tá tað snýr seg um sorg og deyða.

Luttakarar: Birita Poulsen, Viviann Tórsdóttir, Theodor Eli Dam Olsen, Kala Rajani Hansen.

Hoyr sendingina her

Luttakarar, Petur Hans Dahl, Kristian Linklett Mortanson, Eivind Weihe og Eyðbjørt Skylv Midjord

Hoyr sendingina her

Eyðbjørt Skylv Midjord, miðla- og samskiftisfrøðingur, sigur, at tað er ógvuliga ymiskt hvønn týdning fólk leggja í ymsu brosteknini.

Viðhvørt kunnu misskiljingar taka seg upp.

Sendari hugsar eitt við sínum smiley, men móttakarin skilir tað á annan hátt.

Tí er oftast skilagott ikki at brúka tey ov nógv, heldur miðlafrøðingurin.

Summi fata brosteknini sum óseriøs, og tí eiga tey als ikki at verða brúkt í formellum samskifti, leggur Eyðbjørt Skylv Midjord aftrat.

Vit skriva og samskifta sum ongantíð fyrr á teimum sosialu miðlunum, og tað hevur ført við sær, at serliga eitt tekn verður minni og minni brúkt: Punktum.

Ístaðin fyri punktum eru vit farin at brúka ymisk brostekn, eisini nevnd emojis.

Men tað er týdningarmikið, at punktum verður brúkt.

- Ein tekstur við stuttum setningum setningum og punktum er lættari at skilja, heldur enn langir setningar við nøkrum fáum kommateknum.

Tað sigur Eivind Weyhe, næstformaður í Málráðnum.

Luttakarar: Petur Hans Dahl, Kristian Linklett Mortanson, Eivind Weihe og Eyðbjørt Skylv Midjord.

Hoyr sendingina her.