Um vikuskiftið verða tíggju vælumtókt støð í Føroyum stongd fyri vanlig ferðafólk, og opin fyri teimum, sum ynskja at viðlíkahalda støðini. Tað er átakið hjá Visit Faroe Islands, sum kallast "Closed for maintenance, open for volunteerism".

Visit Faroe Islands bjóðaði fólki at koma til Føroya at hjálpa við ymiskum á hesum tíggju støðunum, og afturfyri fáa tey uppihald og mat teir tríggjar dagarnar, tey eru her.

Tað vóru 3500 fólk, sum meldaðu seg, men tað eru bara 100 pláss. Í morgun fóru toymini til verka ymsastaðni í Føroyum.

Hoyr sendingina her.

Luttakarar: Arni Nielsen, Árni Gregersen, Helgi Dam Ziska, Olaf Berg, Carsten Høi og Tórarinn N. á Rípuni.

Hoyr sendingina her.

Árni Gregersen, journalistur og politiskur viðmerkjari heldur ikki, at samgongan stendur og fellur við Magna Laksafoss, og tí fara tey ikki at atkvøða fyri uppskotinum hjá Magna Laksafoss.

Líka síðani Kristin Michelsen varð koyrdur úr Javnaðarflokkinum hevur minnilutasamgongan hjá Akseli V. Johannesen løgmanni, havt tørv á atkvøðuni hjá Magna Laksáfoss, uttanflokkatingmanni.

Hoyr alla sendingina her.

Leygardagin fyllir maskinsmiðjurin, kavarin, kokkurin og skiparin, Birgir Enni, 70 ár.

- Tað er spennandi, at mann er sloppin at liva í so nógv ár, og eg eri væl fyri, sigur Birgir Enni, ið ætlar sær at halda fram við sínum virksemi á kendu sluppini, Norðlýsinum. Júst eins og hann hevur gjørt seinastu skjótt 35 árini.

- Eg ætli mær ikki at gevast nú, tí eg havi tað gott, og mær dámar væl at arbeiða við fólki og mati, sigur Birgir Enni.

Luttakarar: Nicolaj Falck, Hjálmar Dam, Leif Hansen, Francine Perry, Sunneva Háberg Eysturstein, Eydna Skaale og Armgarð Arge.

Hoyr sendingina her.

Røðan "5 lærdómar frá lívinum", sum varð hildin á pisufundinum í Viðarlundini í Havn seinasta ár, er kosin at vera tann besta av sínum slag.

Eydna Skaale, retorikari, hevur skrivað røðuna, og virðislønina fær hon frá The Professional Speechwriters Association, sum er felagsskapurin fyri yrkisrøðuskrivarar.

Átta dómarar, sum øll eru kend og viðurkend fólk í retoriska heiminum, hava mett um innsendu røðurnar, og tá avtornaði, varð tað røðan hjá Eydnu Skaale, ið varð hildin at vera tann besta í flokkinum "Røður til próvhandanir".

Verkstovurnar eita "Challenging the Identity of Sound". Tær eru ætlaðar kvinnum, sum eru áhugaðar í ljóði. Kvinnur, sum eru nýbyrjarar ella tónleikarar og vilja menna sínar teknisku førleikar. Verkstovurnar taka støði í persónligari frálæru í tónleikatøkni, bæði í professionellari heimaútgerð og í professionellum studio, umframt at læra at skilja ljóð á einum palli til live framførslur.

Tað eru Nikolaj Falck og Hjálmar Dam, sum skipa fyri eggjaveiðuni, sum verður í Nólsoy leygardagin klokkan 13.

Nikolaj minnist, at mamman plagdi at fjala egg í havanum, tá hann var barn. Seinni hevur hann sjálvur verið við sínum børnum í Viðey í Íslandi, har tey krógva egg á hvørjum ári.

Honum dámdi hugskotið so væl, at hann gjørdi av, at hetta eisini skuldi roynast í Føroyum.

Og nú verður tað.