Fountain House hevur sín uppruna í USA, og tilgongdin at stovna eitt Fountainhús í Føroyum byrjaði miðskeiðis í 2010. Fountainhúsið er eitt sosialt og arbeiðsrættað tilboð til fólk í aldrinum 18-67 ár, sum hava ella hava havt sosialar og/ella sálarligar avbjóðingar. 2. apríl 2014 var almenn móttøka í Fountainhúsinum. Sjálvt virksemið byrjaði 3.apríl 2014.

Fólk, sum eru innløgd á sjúkrahúsi, og tey, sum búgva á ellis- og røktarheimi, eiga at verða vard og vird. Tí er umráðandi, at vit øll hugsa um týdningin av, at halda tagnarskylduna.

Hetta er er eitt evni, sum Fólkaheilsuráðið saman við Pálrún S. Sigurðardóttir og Amandu D. Jacobsen, sum lesa sjúkrarøktarfrøði, nú seta sjóneykuna á.

- Tá vit í hesum høpi tosa um tagnarskyldu, meina vit ikki bara við tagnarskyldu hjá starvsfólki, men eisini tagnarskyldu og umhugsni hjá vitjandi og avvarandi, siga Pálrún og Amanda, ið skipa fyri átakinum.

Fólk vóru púra paff í morgun, tá veðurmaðurin, Petur Hans Dahl, lovaði óvanliga gott veður.

Tað merkisverda er, at ein hátrýstryggur yvir Føroyum flytur heita luft frá Azorunum yvir oyggjarnar, og ein hitabylgja tekur seg upp.

Klár luft, stilli og sól og hitin verður 20 til 22 stig hvønn dag í vikuni.

Seksmannafarið, Roysningurin, fór við sjey monnum út at leita eftir fýramannafarinum, Hestoynni, men ongin av bátunum vann upp land aftur.

Henda dagin misti hestbygd 11 mans í besta aldri.

Heri Joensen, Bergur Debes Joensen og Derhard Jógvansson høvdu minnisgudstænastu í fullsettari kirkju Hesti sunnudagin.

Hóast 100 ár eru liðin, so kendist sorgin í kirkjuni henda dagin, siga teir.

Freistin at tilnevna føroyingar til norðurlendsku matvirðislønina Embla er úti sunnudagin.

Janus Vang, stjóri á iNOVA, sigur, at higartil eru 12 føroyingar í uppskoti. Í fjør vóru tey 25 í tali, og Janus Vang vónar, at fleiri koma aftrat í ár.

Freistin er úti sunnudagin, so enn er møguleiki at vísa á fólk, sum hava avrikað okkurt serstakt í mathøpi.

Mánadagin fer føroyski stýrisbólkurin at gera endaligu tilnevningina.

Til ber at lesa meira á heimasíðuni hjá iNOVA.

Í gjárkvøldið vísti Kringvarpið sjónvarpssendingina Aftur til lívið, sum Dagmar Joensen Næs og Jónfinn Stenberg hava gjørt.

Í sendingini sóu vit Mortan Jespersen, og hvussu hann - eitt nú við at brúka Fountainhúsið - roynir at fóta sær aftur í lívinum, eftir at hann fyri tveimum árum síðani fekk staðfest tunglyndi.

Fýra dagar um vikuna kemur hann í Fountainhúsið, har hann fær hjálp og stuðul frá Andriasi Hansen, sum er hansara kontaktpersónur í Fountainhúsinum.

Játtanarkarmar, fíggjarlóg, nettoskuld, avlop, rakstrarútreiðslur, inntøkur landsins, løgur, íløgur... Ja, hvat merkja hesi?

Játtanarkarmarnir vórðu í morgun lagdir fram, men tað eru óivað fleiri, sum ikki heilt vita, hvat hetta inniber. Men í morgunsendingini í morgun greiddi Atli Leo, ráðgevi í Fíggjarmálaráðnum, frá, hvat játtanarkarmarnir eru, og hvussu vit skulu skilja hugtøkini, sum verða nevnd í sambandi við játtanarkarmarnar.

Luttakarar: Janus Vang, Mortan Jespersen, Andrias Hansen, Atli Leo, Jákup Dam, Turið Horn.

Johan Mortensen, íbirtari, heldur, at møguleikarnir við fiskinum á Føroyabanka eru ógvuliga stórir.

Toskurin hevur ógvuliga gott orð á sær. Hann er ríkur í smakkinum, og konsistensurin serstakur.

Esini hýsan er nakað serligt, og hon hevur somuleiðis stórt potentiali, sigur hann.

Í blómandi matstovuvinnuni kunnu nógv fleiri lið fáa vinning úr fisikinum á Føroyabanka.

Føroyingar eru sum heild vorðnir meiri tilvitaðir um tilfeingið á bankanum, fegnast Johan Mortensen um.

Vit hoyra ofta, at vit dálka, og at tað millum annað finst nógv plast í náttúruni. Men hevur hetta nakra ávirkan á føroysku náttúruna, og hvussu ávirkar plast føroyska djóralívið?

Sjúrður Hammer, lívfrøðingur, hevur granskað, hvørt plast er í fugli í Føroyum, og hvussu fuglurin ávirkast av hesum. Í vitanartáttinum í morgunsendingini greiðir hann frá, at plast er skaðiligt fyri fugl og fisk, og at talan er um ein vaksandi trupulleika.