Í fyrru hálvu av 20. øld herjaðu tuberklar í Føroyum. Føroyingar við sjúkuni vóru innlagdir á Sanatoriinum í Hoydølum, sum virkaði sum sjúkrahús og bústaður fyri tey við sjúkuni.

Leikurin TUBERKLARNIR er bygdur á veruligar hendingar og samrøður við sjúklingar og avvarandi.

Luttakarar: Mikkjal Hvannastein, Edmund Jacobsen, Jens Petur Brattalíð, Sóleyð Danielsen, Kirstin Hammer

Í táttinum "Ein síða av mær" er Kirstin Hammer hesaferð gestur.

Luttakarar: Majkenn Gaard, Páll Poulsen, Marjun Poulsen og Amalia Danielsen

Í morgunsendingini greiddi Amalia Danielsen, kommunulækni, frá meslingum og MFR-koppsetingini.

Eisini blivu spurningar frá lurtarum svaraðir.

Í suðurgrønlendska býnum, Qaqortoq, búgva Páll og Marjun Poulsen, har tey virka sum trúðboðarar. Harafturat arbeiðir Marjun sum sjúkrarøktarfrøðingur.

Seinastu sjey árini, Páll og Marjun hava búð í Qarqortoq, hava tey gjørt rættiliga nógv fyri børnini og tey ungu, sum búgva í býnum. Tilsamans eru umleið 3000 íbúgvar í Qaqortoq.

- Fólkini eru ótrúliga blíð, fitt og hjartagóð, og vit føla okkum sera væl í býnum, siga Páll og Marjun Poulsen, sum tó eisini síggja skuggasíðuna í grønlendska samfelagnum.

Í morgunsendignini greiddu tey frá gerandisdegnum í Qaqortoq.

Luttakarar: Petur Hans Dahl, Súsan Joensen, Torben Nielsen, Hansa Hansen

Hansa Hansen, samskipari á eldrablaðnum, Fyndin, sigur, at tað ikki er nógv granskað í eldraøkinum í Føroyum.

Tí er ilt at siga, í hvønn mun aldurisma er galdandi í Føroyum.

Altjóða gransking vísir tó, at ósamsvar er millum fordómar mótvegis eldri fólki, og tí veruleika, sum tey eldru sjálvi uppliva.

Nógv eru sjálvbjargin til tað síðsta og taka við nýggjari tøkni.

Heimsheilsustovnurin, WHO, er farin undir eina kampanju, sum roynir at reka vanligastu misfatanirnar av aldurdómi og heilsu burtur.

- Tað gevur meining at hjálpa pinkubørnunum og foreldrunum, sum ikki hava eina heilt lætta byrjan til lívið. Tá eg síggi hesi børnini nøkur ár seinni, føli eg veruliga, at eg havi valt rætta arbeiðið.

Soleiðis sigur Elin Helena Sjóstein, sum farna vikuskiftið varð kosin ársins sjúkrarøktarfrøðingur 2019. Hetta bleiv kunngjørt á aðalfundinum hjá Felagnum Føroyskir Sjúkrarøktarfrøðingar seinasta leygardag.

Elin Helena Sjóstein úr hevur seinastu 16 árini arbeitt sum sjúkrarøktarfrøðingur. Í dag arbeiðir hon sum neonatalsjúkrarøktarfrøðingur og er varaleiðari á føðideildini.

Seinastu tveir dagarnar er tað ein hending, sum fleiri av stóru útlendsku miðlunum hava skrivað um.

Tað snýr seg um eina hending í danska Fólkatinginum fyrradagin. Tá bleiv Mette Abildgaard, sum er forkvinna í konservativa flokkinum og fyri stuttum blivin mamma, biðin um at fara út úr fólkatingssalinum.

Tað var fólkatingsformaðurin, Pia Kjærsgaard, sum bað Mette Abildgaard um at fara úr salinum, og orsøkin var, at Mette Abildgaard sat har við dóttrini, sum er 5 mánaðir.